Tɔŋ lasálàá 23:3 - BII BILA

³ La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Tɔŋ lasálàá 23:3 Referans Kwoze

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Fulaa 23:12

O palɛi ndii ŋɔmpum bɛngu, la tiwba mì la tosa baalala niaalan kpow. Kɛ o paale ŋɔmmɛwndɔlen coo, la bɛnda mì la tosa baala le, haliko mi navaa niaa a sofɛlɛa niaa sɔla pɛngio, mì poaa cɛa niaa laandua a mialaa co niaa o bɛngu coo-a sɔla vɛlɛ yoomuma sɛnɛi.

Luke 13:14

Kɛ mí vana lebol va o cɛi lekaando nin-ndo tambu kɔllo le singi Yeesu singi vuɛɛn kon o paale pɛngiaalen coo-o. Mí vana lebol kon dimul vannda aa: «Palɛi ndii ŋɔmpun i co le vallo ni, la hun mì la sɔla siongɔɔ o palɛi ken bɛngu, kɛ o co o paale pɛngiaalen coo le.»

Fulaa 34:21

La tosa baalalan kpow o palɛi ndii ŋɔmpum bɛngu, kɛ paale ŋɔmmɛwndɔlen, la mal baalalan mì la pɛngi. O va telen lavayiaa, te kon te telen koavaa, la bɛnda mì la tosa baala o paale ŋɔmmɛwndɔlen coo le.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Dɛnnda kiilaa 15:21

Kani o co nin lɔ́ɔ́ levil, mí vannda co tɔŋ Moise-o vanaa celen pɛɛkoo o kobila yɛ́-yɛ́lan nin, a co vɛlɛ ndu dimio o cɛila lekaandan nin o palɛi pɛngiɛi coo lɔ́ɔ́-lɔ́ɔ̀.›»

Luke 23:56

Má muungu, má kɔ bɛɛndiaa ɲɛm cun kɛndɔn a ansan. O kon má pɛngi o paale pɛngiaalen coo mɛɛ tɔŋ ndaa va yɛ.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Esai 56:6

Mialaa holnunnin Mɛlɛka le ndu baala tosallo, le ndu bɛɛlen keo a ndu kaola, a le vaa vanaa ndɔa baalaa-a. Vanaa kenin paale pɛngiaalen bɛɛlen yɔŋii nda del kasi a len-nda kpow, vanaa lonin isisi yili o kpema nuu nin-nda,

Esai 56:2

Duaa co le vana co tosa lende-o, duaa co le vana co kelaa o sɔɔn mun coo-o, o co paale pɛngiaalen bɛɛlen keo yɔŋii o del kasi a len-ndo, o mandan, yɔŋii o tosa dɛnɛ vɔɔndo-o.

Fulaa 16:29

La sina maa ya Mɛlɛka, i yɔngu niaa paalen le pɛngio, lelan ya yɔngu niaa ɲɛdiaa le palɛi ndii ŋiin o paale ŋɔmpumndɔlen coo ni. Le hee, o paale ŋɔmmɛwndɔlen coo, vana-vana bɛnda mò lo o cɛi-kola-toandaa ndɔɔ nin, vana-vana bɛnda mò fula o ndu lo le.»

Fulaa 16:23

Mí Moise dimul nda aa: «Ɲɛ Mɛlɛka dimul naa kpéŋ-kpéŋ le tosaa-o co hoo ni: siɔdii, paale pɛngiaalen le co ni. Paale pɛngiaale dindin mí le kɛsin teengen le Mɛlɛka len le co len ni. Lelan, ɲɛdiaa niaa bɛnda le toosiaa o cɛi loamaa buloo nin-ndo, la toosiaa ndu hau, ɲɛdiaa niaa bɛnda le yawvo-o, la yaw ndu hau. O niaa nɔ vɛlɛ o kon kɔɔli-o bɛɛ, la manda ndu ɲɛkɛndɛi le siɔdii.»

Fulaa 16:30

O kon mí nda kpow a pɛngi o paale ŋɔmmɛwndɔlen coo.