Tɔŋ lasálàá 23:28 - BII BILA

²⁸ Paale len, la tosa baala oo baala le, kani paale bɛndule malaa lahakilen le co len ni. Ɲinkon, à bɛnda mà tosa faleŋii malaa lahakiei niaa Israɛlla coo ya Mɛlɛka o hɔl, ya Hala niaa pɛɛn.

Tɔŋ lasálàá 23:28 Referans Kwoze

Sakari 3:9

Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Tɔŋ lasálàá 16:34

Tɔŋ niaa bɛnda le biyɔɔ le fɛɛn a fɛɛn-ndo co kon ni. La bɛnda mì la bii ndu haliko mi la sɔla hakio malɔɔ le hakila niaalan kpow bɛmbɛ lepilɛ o vɔsio nin, niaa Israɛlla pɛɛn.» Má tosa ɲɛ-ɲɛ Mɛlɛka dimul nda a sondo Moise-o.

1Nsaŋ 5:6

Ndu Yeesu Krista hin a mɛnndan a á koovan ni, o co ka a mɛnndan daama le, kɛ mɛnndan a koovan. Kɔl-Diandaa co seilen timbio, kani toɲaa Kɔl-Diandaa co ni.

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

Hebreea 10:14

O yɔngɔn ndɔ kon nin, mí vanaa o dindi a hakio-a peelun le fɛɛn a fɛɛn.

Hebreea 10:10

Yeesu Krista tosa hɛnan Hala-o, mí ndu pila yɔngun lepilɛ kpé, ken tosa ni mí n sɔla baŋaa a hakio.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Tɔŋ lasálàá 23:27

«Paale bɛndule co le hakilan sɔlaa malɔɔ len le co paale tɔ́ndɔlen o paangii ŋɔmmɛwndɔɛi nin ni. Paale len, la bɛnda mì la cuungian le ya Mɛlɛka biiloo, mì la bii sumndo, mì la solul-la sálàlan, mì la lom ndan o yin.

Tɔŋ lasálàá 16:30

Kani paale len nda co niaa faleŋii baŋannde le hakio sɔlaa malɔɔ a faleŋii dindiannde tosa coo Mɛlɛka o hɔl ni. O kon, la sɔla hakio malɔɔ a dindio le yɔŋnda niaala vɔɔnndan kpow.

Tɔŋ lasálàá 16:33

O cuɛinun pɛ volɔɔla lan, o tosa faleŋii dindiannde le Fonda Diandaa-Diandaa, le cɛi-kola-toandaa-labɔɔŋianndo, le fonda-loamaa-lasálàá, le vanaa-solia-lasálàá a le Israɛlla kpow.