Biblia Todo Logo
Bib sou entènèt

- Piblisite -




Tɔŋ lasálàá 23:27 - BII BILA

27 «Paale bɛndule co le hakilan sɔlaa malɔɔ len le co paale tɔ́ndɔlen o paangii ŋɔmmɛwndɔɛi nin ni. Paale len, la bɛnda mì la cuungian le ya Mɛlɛka biiloo, mì la bii sumndo, mì la solul-la sálàlan, mì la lom ndan o yin.

Gade chapit la Kopi




Tɔŋ lasálàá 23:27
19 Referans Kwoze  

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»


O kon kɔɔli, o kɔ pulun cɛ́kɛ́lɛ́ o nɛɛ diandaa pum, o mingin volɔɔla ndɔlan lekɔɔ. O kon, o kɔ soli sálàla loamaala tiɔnndan le ndu pila a le Israɛlla kpow. O cii pɛ, o tosa faleŋii baŋannde le hakio sɔlaa malɔɔ le ndu pila a le Israɛlla kpow.


Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.


I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.


Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?


Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.


O kon, te paangii ŋɔmmɛwndɔɛi ciŋa pɛ palɛi tɔ́, la hɔŋ bululan o lɛŋnden kpow nin, la sangala ya taw-taw. Kani paale bɛndule baŋannden le co len le hakila niaalan ni. Lelan, bululan la bɛnda mì la hɔŋnun taw-taw paale len.


O kon, Aarɔn kandu a naw tova co le sálàá le haki ndɔ ndu pilaa-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen. O kelu pɛ naw tova kon bololan,


La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.


Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.


Mí n hivi palɛi bɔɔ-bɔɔ lon, mí telen vɔw le kelaa o mɛnndan coo-o komal naa lon, kani paale biyaa sum-nden léè hiownun nin. Mí sila vanaa va dɛ̀ndɔ̀ɔ́ tɛɛnguuo-a aa:


Mí Mɛlɛka soaa o Moise lo, mó dimul ndu aa:


Paale len, la tosa baala oo baala le, kani paale bɛndule malaa lahakilen le co len ni. Ɲinkon, à bɛnda mà tosa faleŋii malaa lahakiei niaa Israɛlla coo ya Mɛlɛka o hɔl, ya Hala niaa pɛɛn.


Mɛɛ lende o tosanin faleŋii dindiannde o Cɛi-Diandaa coo le tùú Israɛlla nɔɔlian-ndo a le nila kalula ndalan ni, kon co dimio ni maa le hakila ndalan kpow. O cii pɛ, o tosa vɛlɛ faleŋii pilɛi ken le cɛi-kola-toandaa-labɔɔŋianndo dindio, kani vanaa cɛi-kola-toandaa-labɔɔŋian kon co tɛɛn-nda co a nɔɔlɛiya.


Swiv nou:

Piblisite


Piblisite