Tɔŋ lasálàá 23:21 - BII BILA

²¹ Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Tɔŋ lasálàá 23:21 Referans Kwoze

Tɔŋ lasálàá 23:2

«Soo o Israɛlla lo ma dimul nda aa: ‹O palɛi diandɛi pum coo, la bɛnda mì la cuungiaa Israɛlla kpow nɛɛ pilɛ, mà tosa duɲɛi bɛnduei le ya Mɛlɛka biiloo. Duɲan bɛndun mun co mun ni:

Kundalan 18:23

Leviia daama bɛnda le vali cɛi-kola-toandaa-labɔɔŋianndo tosaa ni, te biondɔn tosan pɛ lenin, sɔɛi ndɛi co ken ni. Le fɛɛn a fɛɛn, kandɔɔ a niaa pila kɔ bii a cuavaa niaa imamaa, silaa co hoo ni, à sɔlanin kɛ́ lelɛŋ o Israɛlla tɛɛn te.

Tɔŋ lasálàá 23:14

Háá mì paale niaa co ya Mɛlɛka sálà kon solul-ten le tiiya, la bɛnda mì la de ɲɛ-ɲɛ o ɲɛm niaa koawnin-ndon nin te, o va bulu, o va yasala toaŋaa, o va kulun sɛnɛi. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Tɔŋ lasálàá 23:4

Kafola tɔ̀la niaa bɛnda le tosaa le ya Mɛlɛka biiloo lan la co lan ni, la bɛnda mì la cuungian kpow o paale diandaale hɛlin-nden coo mì la tosa kafoo:

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

Tɔŋ lasálàá 23:7

Te paale tasele len le tiiya pɛ, la cuungian le ya Mɛlɛka biiloo. La tósà ɲinkon baala niaa tosà paandu-o le.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Tɔŋ lasálàá 23:20

Vana-solia-lasálàá cua pɛ bulu nda toosiaa kon a tumbu tasoo-o, o heelu ndu coo, o tosa falennde ya o hɔl a cɔlua kan latulu, handɔɔ niko saa téndéa ŋiɔnda lecoo. Ɲɛm dindin le Mɛlɛka mí n siŋnun teengen-ndon co mun ni. N cuu pɛ dindin lende ya Mɛlɛka o hɔl, mì n siŋnun teengen, vana-solia-lasálàá cua mun le ndu pila.

Tɔŋ lasálàá 23:25

La tósà ɲinkon baala niaa tosà paandu-o le, kɛ mì la solul-la sálàlan, mì la lom ndan o yin.›»

Fulaa 27:21

Mì Aarɔn nda poaa ndɔa bɛɛndiaa fitinalan kɛsi ɲɛkɛndɛi o cɛi-kola-toandaa-labɔɔŋianndo nin, o kola-landaa ven kesu kpemaa-o o hɔl-ndɔ, haliko mi fitinalan la va lɔan sandei pii ya Mɛlɛka o hɔl. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bii tɔŋndo ho le fɛɛn a fɛɛn.»

Tɔŋ lasálàá 23:31

La bɛnda mì la tosa baala súú-súù ɲinkon te. Fonda oo fonda niaa va pɛ icali, la bii silaa ho le fɛɛn a fɛɛn.