Tɔŋ lasálàá 23:20 - BII BILA

²⁰ Vana-solia-lasálàá cua pɛ bulu nda toosiaa kon a tumbu tasoo-o, o heelu ndu coo, o tosa falennde ya o hɔl a cɔlua kan latulu, handɔɔ niko saa téndéa ŋiɔnda lecoo. Ɲɛm dindin le Mɛlɛka mí n siŋnun teengen-ndon co mun ni. N cuu pɛ dindin lende ya Mɛlɛka o hɔl, mì n siŋnun teengen, vana-solia-lasálàá cua mun le ndu pila.

Tɔŋ lasálàá 23:20 Referans Kwoze

Tɔŋ miingua 18:4

La bɛnda vɛlɛ mi la yɔngu nda ɲɛm tasen niaa vanin sɔlaa o valta yondolan nin-ndon: malun tason, mɔima tasean a cuɛima tasean, mì la yɔngu vɛlɛ nda yiiŋii niaa vanin kiolɔɔ saa niaa tasea lekɔɔ-e.

Efɛsea 2:14

Kani Krista pila co kɔlɲuloo le naa ni, ndu tosa ni mó siinguu Yuifia a vanaa ve N'Yuifi le-a ɲɛ pilɔɔ. A dialun ndɔn, mó tɛɛmbuu kpaki va naa tɛɛn-ndo, yaamɔɔlen pɛɛn.

1Korɛntea 9:11

Te n saŋ pɛ sɔɔn kɔl-lon niaa nin, vɛ̀ɛ̀ dɛnɛ vɔɔndo o co mì n sɔla tɔnɔɔ niaa nin ni?

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Tɔŋ lasálàá 23:17

La va pɛ cɔnɔnndo o laniaa lo, la hin a bululan latiɔn-tiɔn le ya sálà heelunnin coo ya o hɔl-lo solullo. La bɛnda mì la toosiaa buloo a kpeyanndo kiloo leyàá, mì la vow lɛvɛnndo lecoo, mì la lom. La bɛnda mì la toosial-la bulu kon a ɲɛm tasen niaa koawnin-ndon.

Tɔŋ lasálàá 8:29

Mí Moise cua kɔŋɔ saa kóndó va le sálà kandaa baala Mɛlɛka-o-o, mó tosa faleŋii vana heelu ɲɔɔ coo le Mɛlɛka ndu cɔmndo-e. Mí kɔŋɔ kon yɔngun Moise mɛɛ Mɛlɛka dimul ndu le tosaa yɛ.

Fulaa 29:24

ma sɔɔ ɲɛm mun kpow Aarɔn nda poaa ndɔa o ba. Ma cɔm nda mɛɛ vana heelu ɲɛm mun Mɛlɛka o hɔl a faleŋii vana heelu ɲɔɔ Mɛlɛka o hɔl-le tosaa yɛ.

Tɔŋ lasálàá 23:19

O kon kɔɔli, la solul-la vɛlɛ sálà co le hakio sɔlaa malɔɔ-o a cuin toovio pilɛ, a saa téndéa nɔ nin vɔsio pilɛ-a nda ŋiɔn le sálà kɔlɲuloo solio.

Tɔŋ lasálàá 23:21

Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.