Tɔŋ lasálàá 23:2 - BII BILA

² «Soo o Israɛlla lo ma dimul nda aa: ‹O palɛi diandɛi pum coo, la bɛnda mì la cuungiaa Israɛlla kpow nɛɛ pilɛ, mà tosa duɲɛi bɛnduei le ya Mɛlɛka biiloo. Duɲan bɛndun mun co mun ni:

Tɔŋ lasálàá 23:2 Referans Kwoze

Tɔŋ lasálàá 23:37

Duɲan bɛndun niaa bɛnda le tosaa le ya Mɛlɛka biiloo-on co mún ni. O duɲan mún coo, la bɛnda mì la cuungian le ya biiloo, a le ya sálàla loamaalan, sálàla ɲɛm-vaalan, sálàla kɔlɲululan a sálàla mamɔilan solullo. Paalee-paale niaa va pɛ sálàá solio, la tosa mɛɛ silaa yɔngun niaa le paale len yɛ.

Tɔŋ lasálàá 23:4

Kafola tɔ̀la niaa bɛnda le tosaa le ya Mɛlɛka biiloo lan la co lan ni, la bɛnda mì la cuungian kpow o paale diandaale hɛlin-nden coo mì la tosa kafoo:

Yɔɛl 2:15

La hɔŋ buloo o kobio Siɔn nin. La yonda le sumndo biyɔɔ a le bɔŋan lekaando tosaa.

Osee 2:11

Lelan, i co malun nun poonda o telen koavaa, mì puu mɔima nian o telen mamɔiyo. I co vɛlɛ kola ni toosian a yiiŋii saa-o a kola keese ni va ndu siɛmbulan kumbɔɔ-o yuunda.

Condii lisai 81:3

La lɔɔ ɲɛm-caan: la lɔɔ dundoo, la lɔɔ banga diom kɛndɔɔ mì la lɔɔ bondomaa.

Kundalan 29:39

Sálàla niaa bɛnda le ya Mɛlɛka solullo o telen kafola niaalan-ndan la co lán ni. Lan niaa vanin ya solullo o sálàla niaa kelu o kɔlta niaalan nin-ndan, o sálàla niaa soli le yoolen timbio lan, o sálàla niaala loamaalan, o sálàla niaala kpeyanndan, o sálàla niaala mamɔilan a o sálàla niaala kɔlɲululan kɔɔli ni.»

Kundalan 10:10

O palɛi niɛi kɔlkɛndɛi coo bɛɛ, la bɛnda mì la hɔŋ bululan ndan: o kafola niaala lekaanndan coo, o kafola paangun sɛnɛilan coo, telen niaa soli sálàla loamaalan-ndo a telen niaa soli sálàla kɔlɲululan-ndo. Nɛiyo vanin kon le ya Mɛlɛka Hala niaa loonɔnndo a niaa o kɔɔ ni.»

Nsaŋ 5:1

O kon kɔɔli, mí kafo Yuifia pum tiiya, mí Yeesu hel Yerusalɛm ciee.

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»

Cɛɛŋɔnnda Yeremi lan 1:4

Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Esai 33:20

Kɛ mɛɛndan-ndɔ Siɔn, kobi naa naa n tosa kafolan nin-ndo! Hɔlta nɔmndan la canin Yerusalɛm, nɛɛ calaa connun kan o ba ndɔɔ coo yili-a o co ni, cɛi-kola-toandaa vana bɛɛŋuu lɛnin too, o vana sungu lɛnin pikin ndɔn too, yoei cɛi-kola-toandaa kon bɛɛ i tiimbun ndɛnin te few.

2Dɛnnda lemasalan 30:5

Má yiyan le diom kon keiyo balɔɔ yondaa o lɛŋnde Israɛl-ten nin kpow, kandɔɔ Bɛɛr-Seba háá Dan, haliko mi vannda hin Yerusalɛm ciee le kafo-hiavaa-coo tosaa le Mɛlɛka Hala Israɛlla biiloo. Kani vanaa bɔɔ-bɔɔ ve lɛ Kafo kalaa tosa mɛɛ ndóò sɛvan yɛ le.

2Masaa 10:20

Mí Yehu dimul nda aa: «La yoongu vannda le bɔŋan bɛndoo biyɔɔ le Baal.» Má bii bɔŋanndo.

Tɔŋ lasálàá 23:44

Mɛɛ nuaa Moise tɛɛsial Israɛlla kafola ndáà bɛnda le tosaa le Mɛlɛka biiloo lan ni.

Tɔŋ lasálàá 23:21

Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Fulaa 32:5

Mɛɛ Aarɔn ce lende, mó cɔaw fonda-loamaa-lasálàá piɔm kalaa laci. O kon kɔɔli, mó yonda coocoo aa: «Siɔdii, kafoo tosannin le Mɛlɛka.»

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

Tɔŋ lasálàá 23:1

Mí Mɛlɛka soaa o Moise lo, mó dimul ndu aa:

1Dɛnnda lemasalan 23:31

O palɛi pɛngiɛi coo, o kafola paangun sɛnɛilan a o kafola tɔ̀lan coo, ndáà solul Mɛlɛka sálàla loamaalan ni mɛɛ la va lakialaa le nda o tɔŋndo nin le lɔ́ɔ́-lɔ́ɔ̀ yɛ.

Esekiɛl 44:24

Te kɔɔsɔ va pɛ, nda bɛnda le yamɛi kiolɔɔ ni. A kialunin yamɛi mɛɛ dɛnɛ sandaa ya cɔm nda-o co yɛ. A kelanin vɛlɛ o tɔŋnda nilan a o silala nilan coo o kafola ndalan tosaa nin, a canin palɛi nii pɛngiɛi maa idiandaa i co ni.

2Dɛnnda lemasalan 2:3

Tofa vɔ, i co Cɛiyo simio o diola Mɛlɛka Hala nuu, le Cɛi kon siinguuo teengen le ndu, le ansan lomɔɔ ndu o hɔl, le bulula sálàla co le Mɛlɛka lan vaa kɛsio lɔ́ɔ́-lɔ́ɔ̀ ndu o hɔl a le sálàla loamaala idiilan a sálàla icɔl-tan solio, le sálàla palɛi pɛngiaalan, sálàla paangun sɛnɛilan a le sálàla kafola Mɛlɛka Hala naa solio mɛɛ tɔŋndo yiilun Israɛlla le tosaa fɛɛn a fɛɛn yɛ.

Ɛsdras 3:5

Kon cuvɔɔ, má soli sálà loamaa solin lepalaa-lepala-o, má soli sálàla paangun sɛnɛilan a sálàla kafola co le Mɛlɛka lan, handɔɔ niko o ɲɛm vana-vana va yɔngoo a yeemɛi ndɔɛi le Mɛlɛka-on coo.