Tɔŋ lasálàá 23:13 - BII BILA

¹³ O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Tɔŋ lasálàá 23:13 Referans Kwoze

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Esekiɛl 46:14

Idii oo idii, a bɛnda ma handu sálà ɲɛm vaa lecoo: kpeyanndo kiloo leŋuɛɛnu a cuɛiyan litilan latiɔn le kpeyanndo pundɔɔ. Sálà ɲɛm vaa co le Mɛlɛka-o co kon ni. Silalan ndan la co va le fɛɛn a fɛɛn.

Esekiɛl 45:24

O solinin sálàá a kpeyanndo panio tɔ́ a leŋuɛɛnu a á cuɛiyan litililan tan ŋɔmpum le naw tovaa o pilɛ a le saa kóndóó o pilɛ.

Esekiɛl 4:11

Mɛnndan bɛɛ, a kolnin man mɛɛ ma tuununnin yɛ, a kolnin litilio o pilɛ o paalen lepilɛ nin. Lende n vanin man kolɔɔ telen oo telen o palɛi ken kpow nin ni.

Kundalan 28:10

Sálà loamaa paale pɛngiaa kon bɛnda mò cɔɔlu solin o sálà solin lepalaa-lepala-o coo a o sálà ndɔ mamɔiyo coo.»

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 6:20

Vana-vana pilan pɛ visin mun, ndu siŋnun teengen le Mɛlɛka, te kooma ndɔan ma vesulun pɛ o ɲɛ cuɛinanndo, à bɛnda mà tɔɔ ɲɛ cuɛinan kon nɛɛ diandaa pum.

Fulaa 30:24

kase kilolan laŋuɛɛnu, mì vɔngu ɲɛm mun cɔmnun o volin co dionnɔnndo o Cɛi-Diandaa nin-ndon nin, a cuɛima olivean litililan laŋɔmpum.

Fulaa 30:9

La vá ansan súú-súù ka lomɔɔ o fonda-loamaa-lasálà kon coo le, la sólì sálà loamaa lecoo le, là soli sálà ɲɛm vaa lecoo le, là tala vɛlɛ sálà mamɔi lecoo le.

Tɔŋ lasálàá 23:12

Paale pilɛle niaa heelunin tumbu kon coo ya o hɔl le ya ndu cɔmndo len, la solul-la vɛlɛ sálà loamaa a saa téndé nɔ vɔsio o pilɛ-o, saa kon bɛnda mò nɔ lenamta le.