Tɔŋ lasálàá 23:10 - BII BILA

¹⁰ «Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Tɔŋ lasálàá 23:10 Referans Kwoze

Fulaa 34:26

La bɛnda mì la kɔɛ a ɲɛm kɛndɛn tasen niaa koawnin o ciɛɔn niaan nin-ndon o cɛi-kola-toandaa diandaa Mɛlɛka-o nin, ya Hala niaa pɛɛn. La yaw cuin cuaa o mɛɛma kala ndɔan nin te.»

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Tɔŋ miingua 16:9

«Paale niaa kandunin ciɛɔn niaan kovɔɔ len, la cɔm lɔ́ɔ́lan tan ŋɔmmɛw,

Kundalan 28:26

«O paale kafo koavaalen coo, telen niaa cuunin ya Mɛlɛka kpeyan sálà niaa solinin o ɲɛm sɛnɛin niaa koawnin o ciɛɔn niaan nin-ndon nin le kafo layasaa tosaa-o, la bɛnda mì la cuungian le kaannden. La bɛnda mì la tosa ɲinkon baala niaa tosa paandu-o le.

Esekiɛl 44:30

Ɲɛm hiow naŋɔɔ o ɲɛm tasen vanin fulaa o ɲɛm niaan nin-ndon, ɲɛ-ɲɛ niaa vanin faŋaa o ɲɛm niaan coo le Mɛlɛka yɔngoo, mun kpow n vanin le vanaa-solia-lasálàá. Vannda bɛnda mà va nda kpeyan hiow naŋɔɔ o kpeyannda ndalan nin-ndo yɔngoo, haliko mi duaa tol o cɛila vanaa kan coo.

Kundalan 15:2

«Soo o Israɛlla lo ma dimul nda aa: ‹Te la tiiya pɛ o lɛŋnde ya co niaa yɔngu le calta niaalan kilaa lenin-nden nin,

Tɔŋ lasálàá 23:17

La va pɛ cɔnɔnndo o laniaa lo, la hin a bululan latiɔn-tiɔn le ya sálà heelunnin coo ya o hɔl-lo solullo. La bɛnda mì la toosiaa buloo a kpeyanndo kiloo leyàá, mì la vow lɛvɛnndo lecoo, mì la lom. La bɛnda mì la toosial-la bulu kon a ɲɛm tasen niaa koawnin-ndon.

Fulaa 34:22

La tosa kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa kafo lakùùo.

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Yosue 3:15

Tuma koavaa kón tosan ni, telen kon mɛnndan Yurdɛn ma hun taw ni, mì ma hel o kɔngɔlan. Mɛɛ vanaa-solia-lasálàá va kɔlan a kesu kpemaa-a pila dɔ́ɔ́ pelei o peelo,

Tɔŋ lasálàá 14:34

«Telen niaa tiiyanin o lɛŋnde Kanaan-nden nin-ndo, lɛŋnde ya yɔngu niaa len, te la ce pɛ mì soli sɔŋ velan a yullo-o o cɛiyo pum o lɛŋnde niaale sɛnɛile len nin,

Tɔŋ lasálàá 23:9

Mí Mɛlɛka soaa vɛlɛ o Moise lo, mó dimul ndu aa:

Tɔŋ lasálàá 23:11

O kon, kafo paale pɛngiaa cuu pɛ, diimandɔɔ vana-solia-lasálàá tosa falennde, o heelu tumbu kon coo ya Mɛlɛka o hɔl le ya ndu cɔmndo, haliko mi cɛl ndu.

Ruti 1:22

Nuaa Noemi cɛn o lɛŋnde Moab len nin nda Ruti ni, lanɔ Moabunɔ po ndɔ ndóò yil-lo pɛɛn. Tuma vannda kandu ɔrse kovɔɔ-o kpafii nda tiiya Bɛtlɛhɛm ni.