Tɔŋ lasálàá 23:1 - BII BILA

¹ Mí Mɛlɛka soaa o Moise lo, mó dimul ndu aa:

Tɔŋ lasálàá 23:1 Referans Kwoze

Tɔŋ lasálàá 22:33

I soli niaa o lɛŋnde Esipte len nin haliko mi va Hala niaa. Ya co Mɛlɛka ni.»

Tɔŋ lasálàá 23:2

«Soo o Israɛlla lo ma dimul nda aa: ‹O palɛi diandɛi pum coo, la bɛnda mì la cuungiaa Israɛlla kpow nɛɛ pilɛ, mà tosa duɲɛi bɛnduei le ya Mɛlɛka biiloo. Duɲan bɛndun mun co mun ni:

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Esekiɛl 45:17

Simlacinɔ kon vanin cɔlua co le sálàla loamaalan-nda, ɲɛm co le sálàla ɲɛm-vaalan a le sálàla mamɔilan-ndon yɔngoo o kafolan coo ni, o kafola paangun sɛnɛilan coo, o kafola palɛi pɛngiaalan coo a o cuungiannda bɛndula cuavaa Israɛlla kpede coo. Ndu solinin sálàá le hakio, sálà kpeyanndo, sálà loamaa a sálàla kɔlɲululan le baŋan cuavaa Israɛlla ni.»

Tɔŋ lasálàá 23:44

Mɛɛ nuaa Moise tɛɛsial Israɛlla kafola ndáà bɛnda le tosaa le Mɛlɛka biiloo lan ni.

1Dɛnnda lemasalan 23:31

O palɛi pɛngiɛi coo, o kafola paangun sɛnɛilan a o kafola tɔ̀lan coo, ndáà solul Mɛlɛka sálàla loamaalan ni mɛɛ la va lakialaa le nda o tɔŋndo nin le lɔ́ɔ́-lɔ́ɔ̀ yɛ.

2Dɛnnda lemasalan 2:4

Cɛi-Hala ya co hunɔɔ tangul-lo bɛnda mò nɔ ɲamaa, kani Hala naa hiow vaa o bɔɔ a halaa celennda kpow ni.

2Dɛnnda lemasalan 8:13

Maa mɛɛ Moise ndóò handu silalan le lepalaa-lepala o palɛi yɛ́-yɛ́i ken nin yɛ, mí Salomɔn va sálàla va le palɛi pɛngiɛi lan, sálàla va le paangun sɛnɛiyon-ndan a sálàla va le kafola bɛndula yɛ́-yɛ́lan ndan solio. Kafola lan la va lan ni: kafo bulu toosian a lɛvɛn too, kafo koavaa a kafo lakùùo.

Esai 1:13

Mbɔ̀ la n'kafɛi! La pɛngi hunɔɔ a sálàla fondolan! I yeemiaa bɔɔ lasikɔlɔ niaa. Kafola paangun sɛnɛilan, cuungiannda paale pɛngiaalan a cuungiannda niaalan kpow la nɛinun nin ya bɔɔ. Kani la co lan tosaa a kɔlvesɛiyo.

Esekiɛl 44:24

Te kɔɔsɔ va pɛ, nda bɛnda le yamɛi kiolɔɔ ni. A kialunin yamɛi mɛɛ dɛnɛ sandaa ya cɔm nda-o co yɛ. A kelanin vɛlɛ o tɔŋnda nilan a o silala nilan coo o kafola ndalan tosaa nin, a canin palɛi nii pɛngiɛi maa idiandaa i co ni.

Esekiɛl 46:11

O palɛi lakafoei a o palɛi bɔɔŋiannda bɛnduei coo, sálàá solinnin a maalon kiloo beleyaa le naw tovaa o pilɛ, kiloo beleyaa le saa kóndóó, a ɲɛ o yeemanin le sálàá solio a saa téndéa latulu-o. O bɛnda vɛlɛ mo yɔngu cuɛiyan litililan laŋɔmpum le maalon kiloo beleyaa.

Kalatea 4:10

La co tɔŋnda ipalalan, tɔŋnda n'paangulan, tɔŋnda telenndan a la vɔsilan biyɔɔ.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,