Tɔŋ lasálàá 22:8 - BII BILA

⁸ Vana-solia-lasálàá bɛnda mò de visin cɔlu vi o ba ndɔɔ coo-o le, o bɛnda vɛlɛ mo de visin cɔlu visi biyaa dii-o le. Kani o de mun pɛ, o siŋnun vana nɔɔlɛiyo. Ya co Mɛlɛka ni.

Tɔŋ lasálàá 22:8 Referans Kwoze

Tɔŋ lasálàá 17:15

Te cua pilacieo Israɛl, te kon te mial co icali niaa o bɛngu coo-o de pɛ visi vi a ba ndɔ-o, te kon te visi visi biyaa dii-o, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo Mɛlɛka o hɔl háá icɔllo. O kon kɔɔli, o dendu.

Esekiɛl 44:31

Vanaa-solia-lasálàá bɛnda mà de cɔlu vi a ba ndɔ-o le, a bɛnda mà de cɔlu visi biyaa sɛɛsiaa-o le, cɔlu kon va yow, o va visi, a bɛnda mà de ndu le.

Tɔŋ miingua 14:21

La dia visi vi a ba ndɔ-o le. La nɔla mì la yɔngu ndu vanaa co calle niaa o bɛngu coo-a, mì nda de ndu, te kon te la nɔla mì la pisi cɔlu vílɛ́i vaa lende mialla o ba. Kani niaa niaa, yungu diandaa niaa co le Mɛlɛka Hala niaa ni. La yaw cuin cuaa o mɛɛma kala ndɔan nin te.»

Tɔŋ lasálàá 7:24

Cuɛima cɔlu vílɛ́iyo, a cuɛima cɔlu visia yondoa sɛɛsiaa-o, man ma nɔla mì ma soli kpeku celen, kɛ niaa la dia man te.

Esekiɛl 4:14

Mí dimi aa: «Éé Maalii Hala! I kɛɛ ɲɛ-ɲɛ co o nɔɔlɛi mí kpakpala ndu. Kabi kandɔɔ o cuaambɔyɛi nii nin háá hau, i di vɔ cɔlu vílɛ́i te kon te cɔlu visi yondoo sɛɛsiaa-o le. Nduyɛ visii nɔɔlɛi súú-súù luei-yɔ ya o sondo le dɛ!»

Fulaa 22:30

La bɛnda mì la va vanaa diandaa le ya Mɛlɛka. Lelan, la dia visin cɔlu visia biyaa sɛɛsiaa-o le, la bɛnda mì la yɔngu tunnda visin mun.»