Tɔŋ lasálàá 22:4 - BII BILA

⁴ O polale Aarɔn-nden coo, te nàà siaŋaa bii pɛ vanndo, te kon te mì nàà kɔɔsinaa bii ndu, vana kon bɛnda mò de sálàla diandaalan te, fɔ mò dindin fɔlɔn. Lende koni o co vɛlɛ le vana pilan vana sɔɔnguu vana vílɛ́iyo ikɛi mo siŋnun vana nɔɔlɛiyo-o a vana mɛmma ivanapɔnɔyan ma fula-o ni.

Tɔŋ lasálàá 22:4 Referans Kwoze

Tɔŋ lasálàá 21:1

Mí Mɛlɛka dimul Moise aa: «Dimul vanaa-solia-lasálàá, poaa Aarɔn-nda sɔɔn mun aa: ‹Vana-solia-lasálàá bɛnda mò siŋnun vana nɔɔlɛiyo Mɛlɛka o hɔl a dɛnɛ vana vílɛ́i co vanayɛi ndɔɛi-yo o kɔɔ le.

Tɔŋ lasálàá 11:39

Te visi vana nɔla ma de-o vi pɛ, vana-vana pilan ndu o vílɛ́iyo pɛ, vana kon siŋnun o nɔɔlɛiyo háá icɔllo.

Kundalan 18:19

Ɲɛm diandan Israɛlla faŋa le ya Mɛlɛka o sálàla ɲɛm-vaala ndalan coo-on, nɔm Aarɔn, poaa nɔmnda a cuavaa nɔmaa laandua ya yɔngu mun ni. Tɔŋ vana fáŋà lecoo loo co kon ni. Kpema vana nɔla tɛɛmbuu ma faŋa ndu o fonda ndɔɔ loo co kon ni, o ya Mɛlɛka handu ba coo le dɛnɛ kɛndɛ nɔmndo a dɛnɛ kɛndɛ cuavaa nɔmaa imamaa-o.»

Kundalan 18:9

Ɲɛ n bɛnda le sɔlaa o sálàla diandaa-diandaalan nin-ndo vanin hoo ni: a cii pɛ o nda bɛnda le ya yɔngoo o sálàla ɲɛm-vaalan kpow nin, o sálàla co le hakio sɔlaa malɔɔ lan kpow nin a o sálàla-bɛɛndiaa-isɔɔlan kpow nin-ndo faŋa, ɲɛ tɔ̀ co lo-o, ó lumnunnin o yin too, nɔm nɔ ɲɛm diandaa-diandan mun niaa poaa nɔmnda ni.

Tɔŋ lasálàá 21:22

O tiwba mò de ɲɛm solin sálà le ya Mɛlɛka-on, o va ɲɛm dian diandaa-diandan, o va ɲɛm dian diandan.

Tɔŋ lasálàá 2:10

Ɲɛ tɔ̀ lonin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Tɔŋ lasálàá 2:3

Ɲɛ tɔ̀ lonin o sálà ɲɛm vaa kon nin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Tɔŋ lasálàá 15:17

Volɔɔ cuɛinan oo volɔɔ cuɛinan, te kon te yáw visi oo yáw visi mɛmma ivanapɔnɔyama man ma mal pɛ sɔŋndo coo, o bɛnda mò tɔɔnun, mò lo o nɔɔlɛiyo háá icɔllo.

Aasee 2:13

Mí Hasee ɲuna nda vɛlɛ aa: «Te vanndo siŋnun pɛ vana nɔɔlɛiyo le vanaciee vílɛ́i o pilan-ndo, mò kɔ pilan ɲɛdiaa pum, vɛ̀ɛ̀ ɲɛdiaa kon siŋnun pá ɲɛ nɔɔlɛiyo lelan?» Mí vanaa-solia-lasálàá muli aa: «Oi, mò siŋnun o nɔɔlɛiyo.»

Kundalan 19:20

Kɛ te vana nɔɔla-o dindin lende le, a bɛnda ma faŋa ndu caanda tɛɛn few. Kani cɛi-kola-toandaa diandaa o co nɔɔliaa kon ni. Le tùú mɛmma dindianndan ma vesulun ndu loo, o lo o nɔɔlɛiyo.