Tɔŋ lasálàá 22:3 - BII BILA

³ Dimul nda aa: ‹Háá le fɛɛn a fɛɛn, o polale vanaa-solia-lasálàá coo, te vanndo va pɛ o nɔɔlɛiyo Mɛlɛka o hɔl, mò sɔɔnguu o ɲɛm dian diandan Israɛlla co ya Mɛlɛka sálàla diandaalan solullo-on ikɛi, vana kon bɛnda mò faŋan o baala nuu nin, mò faŋan ya o hɔl. Ya co Mɛlɛka ni.

Tɔŋ lasálàá 22:3 Referans Kwoze

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Condii lisai 51:11

Faŋa hɔlla o hakila nilan. Vɔɔsuu yɔŋnda nila vɔɔnndan kpow.

Condii lisai 16:11

A cɔmnin ya nɛila ke vana yoomoo lan. Vana komal kɔlkɛndɔɔ taw nɔm o hɔl, ɲɛ yeelɛi fɛɛn-fɛɛndo co nɔm o ba kɛndɔɔ coo.

Kundalan 19:13

Te vanndo pilan pɛ vana vílɛ́iyo, mò saalan le dindinndo le, mɛɛ vana kon nɔɔliaa Calta Mɛlɛka lan. Lelan, a bɛnda ma faŋa ndu Israɛlla tɛɛn, kani le tùú mɛmma dindianndan ma hulun ndu coo loo, nɔɔla ndɔɔ co vɔ ndu coo.

Tɔŋ lasálàá 22:2

«Soo o Aarɔn ndo a o poaa ndɔa lo, ma dimul nda aa: ‹Telenndan lapum, a bɛnda mà caa taw a ɲɛm dian diandan Israɛlla co ya Mɛlɛka sálàla diandaalan solullo-on. A bɛnda mà sɔɔnguu o ɲɛm mun ikɛi o telennda lan nin te, yɔŋii nda del kasi a diola nila diandaalan. Ya co Mɛlɛka ni.›

Ɛsdras 8:28

O kon mí dimul nda aa: ‹Niaa pila cuu sálà solin le Mɛlɛka, ɲɔɔn mun bɛɛ n cuu sálà solin, volion mun a sianion mun, sálà yɔngun Mɛlɛka, Hala fuɲaa niaa mamaa-o n co ni.

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»