Tɔŋ lasálàá 22:23 - BII BILA

²³ Te cɔloo nɔ pɛ pelii vilɛiye mì ndi hiow pelun tɔ̀un, la tiwba mì la soli ndu sálà niaa pila kelu o kɔl niaa nin a yeemɛi-yo, kɛ kon bɛnda le yoole niaa baa o Mɛlɛka lo len timbio le.

Tɔŋ lasálàá 22:23 Referans Kwoze

Tɔŋ lasálàá 21:18

Namtaa kan co haa ni, á bɛnda mà sɔɔnguu lon te-a pɛɛn: vana sumɛiyo, vana bɛngu tambɛiyo, vana falei pilɛ hiow bandei a i pilɛi-yo,

Fulaa 35:29

Mí Israɛlla kpow, vanpiaandua a vanlaandua, á kelu o kɔlta ndalan nin le hunɔɔ a ɲɛ le baala Mɛlɛka dimul Moise le tosaa-o tosaa-a hun a cuungiaala ndalan a yeemɛi ndɛi o Mɛlɛka lo.

Tɔŋ lasálàá 22:22

Lelan, la cúù ya cɔlu sumɛiyo le, la cúù ya vɛlɛ cɔlua ha le: cɔlu yom pelei-yo, cɔlu kiolu pelei-yo, cɔlu pawve fula-o, cɔlu bákáláá fula-o. La bɛnda mì la lom cɔlua kan o fonda-loamaa-lasálàá coo le ya Mɛlɛka le.

Tɔŋ lasálàá 22:24

Le fɛɛn a fɛɛn, la sólì cɔlu nda tɛnda bosio-o sálà o ya Mɛlɛka lo le. La tósà kon telen niaa tiiyanin o lɛŋnde niaalen nin-ndo le.

Tɔŋ miingua 15:21

Te cɔlua kan o pilɛ nɔ pɛ namtalen lekɔɔ, te o va pɛ cɔlu co tindaa-o, te kon te cɔlu sumɛiyo, te o nɔ pɛ namtale vɔɔnnde súú-súù o n'dial, la bɛnda mì la solul Mɛlɛka Hala niaa cɔlu vaa lende sálàá le.

Tɔŋ miingua 17:1

La solul Mɛlɛka Hala niaa sálàá a cɔlu namtaa le, o va naw o va saa. Kani dɛnɛ nɔɔlɛiyo co kon le Mɛlɛka Hala niaa ni.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.