Tɔŋ lasálàá 22:22 - BII BILA

²² Lelan, la cúù ya cɔlu sumɛiyo le, la cúù ya vɛlɛ cɔlua ha le: cɔlu yom pelei-yo, cɔlu kiolu pelei-yo, cɔlu pawve fula-o, cɔlu bákáláá fula-o. La bɛnda mì la lom cɔlua kan o fonda-loamaa-lasálàá coo le ya Mɛlɛka le.

Tɔŋ lasálàá 22:22 Referans Kwoze

Tɔŋ lasálàá 22:20

O bɛnda mò solul-la cɔlu lenamtaa sálàá le, yɔŋii ya kɛɛ sálà ndɔɔ.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 3:3

O sálà kɔlɲulu kon nin, o soli ɲɛm ŋɔa o yin le ya Mɛlɛka-on, ɲɛm mun co mun ni: cuɛima kumbu pulon a ɲɛm co cɔlu kon o dembe-on-ndan, a cuɛima pulon a ɲɛm co ndu nin-ndon simbulun nin-ndan kpow,

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 22:21

Te vanndo baa pɛ yoolen o ya Mɛlɛka lo, te kon te mo kelu o kɔl ndɔɔ nin le ya sálà kɔlɲuloo solullo, o va a cɔlu bɛndoo, o va a o pɔmbɔɔ o yeema le sálà kon solio ni, o bɛnda mò soli cɔlu nɔ lenamta loo sálàá.

Tɔŋ lasálàá 22:23

Te cɔloo nɔ pɛ pelii vilɛiye mì ndi hiow pelun tɔ̀un, la tiwba mì la soli ndu sálà niaa pila kelu o kɔl niaa nin a yeemɛi-yo, kɛ kon bɛnda le yoole niaa baa o Mɛlɛka lo len timbio le.