Tɔŋ lasálàá 22:21 - BII BILA

²¹ Te vanndo baa pɛ yoolen o ya Mɛlɛka lo, te kon te mo kelu o kɔl ndɔɔ nin le ya sálà kɔlɲuloo solullo, o va a cɔlu bɛndoo, o va a o pɔmbɔɔ o yeema le sálà kon solio ni, o bɛnda mò soli cɔlu nɔ lenamta loo sálàá.

Tɔŋ lasálàá 22:21 Referans Kwoze

Kundalan 15:8

Te naw téndóó niaa soli sálàá o ya Mɛlɛka lo ni, o va sálà loamaa, o va sálàá le yoole niaa bàá o ya Mɛlɛka lo len timbio, o va vɛlɛ sálà kɔlɲuloo,

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Tɔŋ lasálàá 3:6

Te a cɔlu pɔmbɔɔ vanndo co Mɛlɛka sálà kɔlɲuloo solullo ni, o bɛnda mò hin a cɔlu nɔ lenamta loo, o va cɔlu piaandu o va laandu.

Tɔŋ lasálàá 3:1

«Te vanndo soli pɛ sálà kɔlɲuloo a cɔlu bɛndoo, o va cɔlu piaandu o va cɔlu laandu, o bɛnda mò hin a cɔlu nɔ lenamta loo ya Mɛlɛka o hɔl.

Talelan 7:14

‹Yáà baa yoolen o Hala lo le sálàla kɔlɲululan solio. Hau ya soli sálàla lan ni mí timbi yoole len.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

O Kandɔɔ 28:20

O kon, mó cua ciɛɔ́n o Mɛlɛka lo, mó dimi aa: «Te Hala lo pɛ ya ikɛi, te o kanda ya pɛ o kela ya co hoo-o nin, mò yɔngu ya ɲɛdiaa a ɲɛ cuɛinanndo,

Fulaa 35:29

Mí Israɛlla kpow, vanpiaandua a vanlaandua, á kelu o kɔlta ndalan nin le hunɔɔ a ɲɛ le baala Mɛlɛka dimul Moise le tosaa-o tosaa-a hun a cuungiaala ndalan a yeemɛi ndɛi o Mɛlɛka lo.

Tɔŋ lasálàá 22:22

Lelan, la cúù ya cɔlu sumɛiyo le, la cúù ya vɛlɛ cɔlua ha le: cɔlu yom pelei-yo, cɔlu kiolu pelei-yo, cɔlu pawve fula-o, cɔlu bákáláá fula-o. La bɛnda mì la lom cɔlua kan o fonda-loamaa-lasálàá coo le ya Mɛlɛka le.