Tɔŋ lasálàá 22:20 - BII BILA

²⁰ O bɛnda mò solul-la cɔlu lenamtaa sálàá le, yɔŋii ya kɛɛ sálà ndɔɔ.

Tɔŋ lasálàá 22:20 Referans Kwoze

Tɔŋ miingua 17:1

La solul Mɛlɛka Hala niaa sálàá a cɔlu namtaa le, o va naw o va saa. Kani dɛnɛ nɔɔlɛiyo co kon le Mɛlɛka Hala niaa ni.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Tɔŋ miingua 15:21

Te cɔlua kan o pilɛ nɔ pɛ namtalen lekɔɔ, te o va pɛ cɔlu co tindaa-o, te kon te cɔlu sumɛiyo, te o nɔ pɛ namtale vɔɔnnde súú-súù o n'dial, la bɛnda mì la solul Mɛlɛka Hala niaa cɔlu vaa lende sálàá le.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Tɔŋ lasálàá 22:25

La bíì mialaa co niaa tɛɛn-nda cɔlua vaa lende o ba le nda sálàá solio o ya Mɛlɛka lo le. Kani bosi nda tɛnda nda kon-ndo co macoaa maa namtalen nda mal nda ni. Lelan, i cɛl cɔlua vaa lende niaa o ba le few.›»

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 3:1

«Te vanndo soli pɛ sálà kɔlɲuloo a cɔlu bɛndoo, o va cɔlu piaandu o va cɔlu laandu, o bɛnda mò hin a cɔlu nɔ lenamta loo ya Mɛlɛka o hɔl.

Tɔŋ lasálàá 3:6

Te a cɔlu pɔmbɔɔ vanndo co Mɛlɛka sálà kɔlɲuloo solullo ni, o bɛnda mò hin a cɔlu nɔ lenamta loo, o va cɔlu piaandu o va laandu.

Kundalan 19:2

«La tofa vɔ silala co o tɔŋ Mɛlɛka yɔngu-o nin-ndan: la dimul Israɛlla mà hin a naw siaŋaa o pilɛ, o nɔ lenamta loo, o nɔ sɔŋ too, o nda hendu vɔ yɔm lebol o lebol too.

Kundalan 29:8

Mì la solul-la sálà loamaa, o ya tuɛi cun mì ɲɔɔ hɛnan ya-o: naw tova téndóó pilɛ, saa kóndóó pilɛ a saa téndéa nɔ vɔsio pilɛ-a nda ŋɔmmɛw. Cɔlua kan kpow a bɛnda mà nɔ lenamta le.

Esekiɛl 45:18

Nuaa Maalii Hala dimi ni aa: «O paale taselen coo o paangii tasei nin a bɛnda ma cua naw tova téndé nɔ lenamta loo, mà faŋa hakio a ndu o cɛi-kola-toandaa diandaa nin.

Tɔŋ lasálàá 22:24

Le fɛɛn a fɛɛn, la sólì cɔlu nda tɛnda bosio-o sálà o ya Mɛlɛka lo le. La tósà kon telen niaa tiiyanin o lɛŋnde niaalen nin-ndo le.