Tɔŋ lasálàá 22:18 - BII BILA

¹⁸ «Soo o Aarɔn ndo, o poaa ndɔa lo o a Israɛlla kpow lo, mà dimul nda aa: ‹Te cua pilacieo Israɛl, te kon te mial co niaa icali o bɛngu coo-o yeema pɛ le ya Mɛlɛka sálà loamaa solullo, o va sálà o baa yoolen o ya Mɛlɛka lo-o, o va sálà o co solio a yeemɛi ndɔɛi ndu pilɛi-yo,

Tɔŋ lasálàá 22:18 Referans Kwoze

Tɔŋ miingua 12:6

O fonda kon niaa vanin kɔlan a sálàla loamaala niaalan a á sálàla niaalan tɔ̀lan kpow ni. Lon niaa vanin kɔlan a o-tɔ́ndɔla niaalan a á cuungiaala niaala niaa vanin solio o valta niaalan nin-ndan ni. Lon koni niaa vanin kɔlan a ɲɛm niaa baa yoolen o Mɛlɛka-on le yoole len timbio ni, lon niaa vanin vɛlɛ ɲɛm niaa vanin yɔngoo a yeemɛi niɛi-yon a cɔlua piaandua tasea cɔlua niaa vanin komɔɔ-a kpow yɔɔ ni.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Tɔŋ lasálàá 1:2

«Soo o Israɛlla lo, ma dimul nda aa ‹O niaa tɛɛn, te vanndo va pɛ Mɛlɛka sálàá solullo, o soli cɔlu ndɔ sálàá o cɔlua pɔmbɔa nin, te kon te o cɔlua bɛndua nin.

Dɛnnda kiilaa 18:18

Mí Pol tosa telen vilɛi Korɛnte ciee. O kon kɔɔli, mó faŋan vanaa laalannda, mó luɛi o dɛ̀ndɔ̀ɔ́ nin, mó kɔa Siri nda Priska a Akilas. Lɔ́ɔ́ pá mó kɔa, mó sendin, kani ciɛi ndóò cua ni.

Yonas 2:9

Vanaa co piɔmaa fondoa sooloo-a, a nɔ dí le cindaa sɔla le.

Yonas 1:16

O kon, mí siòònde bii vana-vana va o dɛ̀ndɛ̀ kon nin-nda a Mɛlɛka, má solul ndu sálàá, má cua ciɛ́ɔn o ndu lo kpéŋ-kpéŋ.

Vana Kɔlkaloo 5:4

O co fisa mà kɛɛ le ciɛ́i cuaa, a ndi cuaa ma kɛɛ le ndi peeloo.

Condii lisai 116:18

I peelunin ciɛ́ɔn ya cua a nɔm-ndon vannda kpow o hɔl

Condii lisai 116:14

I peelunin ciɛ́ɔn ya cua o Mɛlɛka lo-on vanaa ndɔa kpow o hɔl.

Condii lisai 66:13

I kɔanin a sálàla loamaalan o nɔm ndo cɛinin, mì peelu ciɛ́ɔn ya cua-on,

Condii lisai 65:1

Condii David-e, í fula o condun simlacinɔ vanaa n'condua nin-nde.

Condii lisai 61:8

Màá o va masalen tosaa nɔm Hala o hɔl lɔ́ɔ́-lɔ́ɔ̀, mì kaola nɔmndo a toɲa nɔmndo va ndu kandaa!

Condii lisai 61:5

I yeema mì va lɔ́ɔ́-lɔ́ɔ̀ icali o cɛi-kola-toandaa nɔmndo bɛngu, mì va vionnɔnndo o kumbannda nɔmndan bɛngu.

Condii lisai 56:12

Ndu Hala ya tiindan ni, siòòŋii co ya le. Yɛɛ vanndacieea nɔla yɛnin tosaa a ya?

Condii lisai 22:25

Kani Mɛlɛka pɛɛsa vana co o sangaa nin-ndo o dɛnɛ palaa ndɔɔ nin te. O vìn vana kon hɔlaa ndɔa le. Vana kon cɛɛŋun pɛ dɔ́ɔ́ ndu o lani le ndu malaa, o tuei ndu diom.

Tɔŋ miingua 16:10

o lɔ́ɔ́la lan mɛɛlulan, la tosa kafo koavaa a le Mɛlɛka Hala niaa biiloo. O kon, la ke ndu ɲɛm niaa kialunin a yeemɛi niɛi-yon mɛɛ duaa ó vanin niaa dɔvɔɔ-o vanin yɛ.

Tɔŋ miingua 12:17

Kɛ nduyɛ, la bɛnda mì la de o-tɔ́ndɔ niaa vanin solio o malun niaa nin, o mɔima niaama sɛnɛiyan nin a o cuɛima niaan nin-ndo o kobila niaalan nin te. Ɲɛm niaa bɛnda vɛlɛ mi la de o kobila niaalan nin te-on co mun ni: cɔlua piaandua tasea cɔlua niaa vanin komɔɔ-a, ɲɛm niaa baanin yoolen o Mɛlɛka lo le ndu mun yɔngoo-on, ɲɛm niaa tuunin le yɔngoo a yeemɛi-yon a ɲɛm niaa vanin faŋaa o kɔmnde valta niaalan coo le Mɛlɛka yɔngoo-on.

Tɔŋ lasálàá 23:38

La bɛnda mì la solul-la sálàla lan, lan la cɔɔlun o sálàla niaa solul-la o paale pɛngiaalen coo lan, o ɲɛm ikɛndɔn, o sálàla niaa bàá yoolen o Mɛlɛka lo lan a o sálàla niaa solul Mɛlɛka a yeemɛi niɛi lan coo ni.

Tɔŋ lasálàá 17:13

Te cua pilacieo Israɛl, te kon te mial co niaa o bɛngu coo-o bii pɛ visi vana dia-o, te kon te yow vana dia-o o doosulen, o bɛnda mò soli visi kon, te kon te yow kon koovan, mò tala man lɛŋ, mò kumbu man a puuloo.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 7:16

Te vanndo soli pɛ sálà kɔlɲuloo le yoole o baa o Mɛlɛka lo len timbio, te kon te mò soli sálàá a yeemɛi ndɔɛi ndu pila-e, vana nɔla ma de sálà kon paale o fulanin nden, mì ɲɛ tɔ̀ lonin-ndo dennun vɛlɛ diimandɔɔ.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

Tɔŋ lasálàá 22:17

Mí Mɛlɛka soaa o Moise lo, mó dimul ndu aa:

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.