Tɔŋ lasálàá 22:10 - BII BILA

¹⁰ Vana co vana-solia-lasálà loo bɛnda mò de ɲɛm dian diandan nda soli mún sálàá-on te. Hali o va bɛɛ vana niaa yoongu-o, te kon te vana co baalaa tosaa vana-solia-lasálàá o ba le salaa sɔlaa-o, a bɛnda mà de sálà diandaa kon te.

Tɔŋ lasálàá 22:10 Referans Kwoze

Matie 12:4

Mɛɛ o luɛi o Cɛi-Hala-o nin, mó dia bulu sálà va o kɛsiaa-o nda vanaa va ndu kɔɔli-a. Nduyɛ, fɔ vanaa-solia-lasálàá daama ndáà bɛnda le bulu sálà kon dioo ni, David a vanaa va ndu kɔɔli-a ndáà bɛnda le ndu dio le.

1Samiɛl 21:6

Mí David dimul ndu aa: «O co ka o laan daama le, lɔ́ɔ́-lɔ́ɔ̀ naa n va pɛ kɔlan o cɔwvo, n mɔɔsa kpele a vanalanɔ le. Handɔɔ o kon coo, ɲɛm cɔvun langbaa nia kpow n'diandan n và ni. Lelan o va bɛɛ maa o co cɔw diandaa le cɔw naa n hin tosaa-o co le, ɲɛm cɔwvon co ndu dindi.»

Fulaa 29:33

Nda kínɛí bɛnda ni mà de ɲɛm sálàn mun. Kani a mun hakila ndalan la ɲuminnin telen nda vanin nda faleŋun kandaa baalan tosaa coo-o ni, faleŋun mun tosanin ni mà siŋnun vanaa diandaa ya Mɛlɛka o hɔl. Vana celen bɛnda mò de ɲɛm mun te, kani ɲɛm diandan n co ya Mɛlɛka o hɔl ni.

Fulaa 12:45

Mial hin calle niaa tɛɛn-ndo, te kon te vana co baalaa tosaa le sala ndɔɔ sɔlaa-o bɛnda mò de ɲɛdiaa kon te.

Tɔŋ lasálàá 22:13

Kɛ te pɔnɔɔ cua vana-solia-lasálàá velu-o vi pɛ, te kon te mà kɛyan nda pɔnɔ ndɔ, te o vilu hɔ́ɔ́ le, mò muungu o fuɲa ndɔ lo cɛinin le calle maa telen o va cuaambɔ felengoo-o, ndu tiwba mo de ɲɛdiaa fuɲa ndɔ co dioo-o. Kɛ vana celen bɛnda mò de ɲɛdiaa kon te.

Kundalan 3:10

Mì nɔm Moise va mɛɛndanndo haliko mi Aarɔn nda poaa ndɔa kínɛí a tosa vali solia lasálàá. Te vana celen, vana fula o yungu Aarɔn-ndo nin too sɔɔnguu pɛ ikɛi, o bɛnda mò sɔla piɔ́mndo.»

Fulaa 12:43

Mí Mɛlɛka dimul vɛlɛ Moise nda Aarɔn aa: «Tɔŋndo le kafo-hiavaa-coo co hoo ni: mial oo mial bɛnda mò sɔɔnguu le ɲɛdiaa kafo kon dioo le.

Tɔŋ lasálàá 21:22

O tiwba mò de ɲɛm solin sálà le ya Mɛlɛka-on, o va ɲɛm dian diandaa-diandan, o va ɲɛm dian diandan.

1Samiɛl 21:7

O kon mí vana-solia-lasálàá yɔngu David bulula sálàlan, kani lan koni la va ndu o ba ni. Mɛlɛka o hɔl ndáà kɛsì bulula lan ni, ndáà faŋa pɛ lan Mɛlɛka o hɔl, paale pilɛle len ndáà mingi bulula tuwlan o fonda kon.

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

Esekiɛl 44:8

Niaa pila lendu hɔlla o vali ni yɔngun niaa a ɲɛm diandan o kɔɔ-o coo le, kɛ mí la cua vanaa súúla celeŋaa kan, mí la handu nda o fonda niaa le vali nuu tosaa o cɛi-kola-toandaa diandaa nuu nin.