Tɔŋ lasálàá 21:9 - BII BILA

⁹ Te cua vana-solia-lasálàá laasian pɛ o suundaa nin, mɛɛ fuɲa ndɔ o ke diola vɔɔnndan lende ni. Lelan, a bɛnda mà lom ndu a yinnden mò ŋɔɛ.

Tɔŋ lasálàá 21:9 Referans Kwoze

O Kandɔɔ 38:24

Paangon mún yáá o kon kɔɔli, má hun dimul Yuda aa: «Tamar, lanɔɔ po nɔm suunda, mó cua folio o suunda kon nin.» Mí Yuda dimi aa: «A soli ndu mà lom ndu kpúlúká!»

Tɔŋ lasálàá 19:29

La láásiàà cuavaa niaa laandua o nda vomɔɔ suunda soolaa n'piɔmndo le, yɔŋii lɛŋnden kpow le luɛi suunda kon mì vannda luɛi o mààlan.

Tite 1:6

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ. Mì cuavaa ndɔa va vanaa laalannda, o va cuavaa vannda co cɔu kela vɔɔndo o hɔl-la le, te kon te mà kɛɛ sɔɔn biyɔɔ-a le.

Malasi 2:3

I kɔngɔlan le cuavaa niaa tɛɛmbuuo. Niaa pila yɛ, mì yikpa niaa poolan o hɔl, poola cɔlua niaa diw o kafola niaalan coo-a pɛɛn. O kon mà viow niaa a poola lan latulu.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

1Samiɛl 2:34

A canin tɔɔmasele sɔɔn mun a ɲɛ yɔŋnunnin poaa nɔmaa ŋiɔnda-o, Hɔfni nda Pineas pɛɛn. Nda ŋiɔn kpow, a sɔlanin piɔ́mndo o paale pilɛ len nin.

1Samiɛl 2:17

Nuaa poaa Helii-a va hakilan kɔndɔɔ taw a Mɛlɛka ni. Kani ndáà ke Mɛlɛka lebɛɛ a sálàla vannda va ndu solullo lan te.

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Yosue 7:15

Vana ya hɛlinin nda tɛɛn-ndo, mɛɛ ndu ɲɛm ya kuuna mún-ndon co o ba ni. O kon, la bii vana kon, la mal ndu o yin a ɲɛm ndɔn kpow, o ŋɔɛ sukɛí, le tùú o tɛɛmbuu kpema ya Mɛlɛka-o-o a le tùú o tosa dɛnɛ nɔɔlɛiyo Israɛlla tɛɛn-ndo.»

Tɔŋ lasálàá 20:14

Te vanndo kpɔnda pɛ vanalanɔɔ a kalaa vanalanɔ kon cuaa o nɔ̀u nin, mɛɛ o tosa bɔɔ mààla bɛndu-bɛndu. Vannda bɛnda mà lom vanapɔnɔ kon a vanlaandua ŋiɔŋaa kan kpúlúká a yinnden. Yɔŋii dɛnnda vɔɔnnda vaa lende la va tosanndo niaa tɛɛn.

Fulaa 31:14

Lelan, la bii paale pɛngiaalen, kani paale diandaalen paale len le co le niaa ni. Vana-vana nɔɔliaa pɛ paale len, ndu sɔla piɔ́mndo. Kani vana-vana tosa pɛ baalaa lecoo, a solinin ndu Israɛlla tɛɛn po.

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.