Tɔŋ lasálàá 21:8 - BII BILA

⁸ Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

Tɔŋ lasálàá 21:8 Referans Kwoze

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Tɔŋ lasálàá 21:6

Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,

Fulaa 28:41

Ma vow Aarɔn bɛ nɔm a poaa ndɔa volɔɔla lan, ma pɔla nda a cuɛima diandan, ma kɛsi nda teengen, haliko ma kandu baalaa le siŋnɔnndo vanaa-solia-lasálàà nia, ya Mɛlɛka pɛɛn.

Fulaa 19:14

Mí Moise toal pembei, mó muungu o Israɛlla lo, mó dindi nda Mɛlɛka o hɔl. Má tɔaa vɛlɛ volɔɔla ndala cuɛinanndan.

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Tɔŋ lasálàá 3:11

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.

Malasi 1:7

La co hunɔɔ a ɲɛm dian nɔɔlɛiyon o fonda ni loamaa lasálàá coo, mì la va ɲunaa aa: ‹Vɛɛ nɛ naa n co yɛ nɔm kɔllo tɛɛmbuuo?› La co dimio aa: ‹Tabali Mɛlɛka-o co ɲɛ sɔvɛ le.›

Tɔŋ lasálàá 22:16

Kani te a de pɛ ɲɛm mun telen nda bɛnda le mun dio loo, mɛɛ a del kasi bɛndu-bɛndoo. Ya co Mɛlɛka ni, ya hɛli nda mí dindi nda le baala nuu ni.›»

Kundalan 28:2

«Soo o Israɛlla lo ma dimul nda aa: ‹A cuu ya sálà co le ya-o o telen kelun-ndo, ɲɛm dian ŋɔa mun o yin le ya Mɛlɛka-on, n ya tuɛi cun kɛndɔɔ mì ɲɔɔ hɛnan ya-on pɛɛn.

Nehemi 13:29

‹Éé Hala nuu, pɔɛɛnun a nda le. Kani a cii baala solia lasálàá a kpema vanaa-solia-lasálàá nda leviia yii-o nɔɔliaa.›