Tɔŋ lasálàá 21:7 - BII BILA

⁷ Vana-solia-lasálàá bɛnda mò cua vanalanɔ suundɛiyo, te kon te vanalanɔ vanapɔnɔ celen laasiaa nin-ndo o nɔ̀u nin te. Ò cua vɛlɛ vanalanɔ pɔnɔ ndɔ kɛɛ-o o nɔ̀u nin te. Kani vana-solia-lasálàá bɛnda mò va vana diandaa siŋnun teengen le vali Mɛlɛka-o-o.

Tɔŋ lasálàá 21:7 Referans Kwoze

Esekiɛl 44:22

Vana-solia-lasálàá va pɛ lanɔɔ yilɔɔ, o bɛnda mò yil vanalanɔ pɔnɔ ndɔ vi-o o nɔ̀u nin te, o bɛnda vɛlɛ mo yil vanalanɔ kɛyan nda pɔnɔ ndɔ-o le. Kɛ o bɛnda mò cua cuaambɔ laandu hiw-vɔ vanapɔnɔ kɔɔli loo o cuavaa Israɛlla tɛɛn, o nɔla vɛlɛ mò cua vanalanɔ pɔnɔ ndɔ vi-o te vana-solia-lasálàá pɔnɔ ndɔ kon ndóò va ni.

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

1Timote 3:11

Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

O Kandɔɔ 38:24

Paangon mún yáá o kon kɔɔli, má hun dimul Yuda aa: «Tamar, lanɔɔ po nɔm suunda, mó cua folio o suunda kon nin.» Mí Yuda dimi aa: «A soli ndu mà lom ndu kpúlúká!»