Tɔŋ lasálàá 21:6 - BII BILA

⁶ Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.

Tɔŋ lasálàá 21:6 Referans Kwoze

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

Tɔŋ lasálàá 3:11

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Ɛsdras 8:28

O kon mí dimul nda aa: ‹Niaa pila cuu sálà solin le Mɛlɛka, ɲɔɔn mun bɛɛ n cuu sálà solin, volion mun a sianion mun, sálà yɔngun Mɛlɛka, Hala fuɲaa niaa mamaa-o n co ni.

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Fulaa 29:44

I dindinin cɛi-kola-toandaa-labɔɔŋianndo a fonda-loamaa-lasálàá le vali nuu. I dindinin vɛlɛ Aarɔn nda poaa ndɔa mà siŋnun vanaa-solia-lasálàá le ya Mɛlɛka.

Fulaa 28:36

O kon kɔɔli, ma tosa pɛngɛi pɔmbɔɛi a sianin diandan le holɔɔ o mɔsillo laci, ma sɛva lecoo mɛɛ vana sɛva o tampɔnndo coo nuaa yɛ aa: ‹O kɛsin teengen le baala Mɛlɛka-o-o.›

Fulaa 19:22

Hali vanaa-solia-lasálàá co ya sɔɔnguuo ikɛi-ya, a bɛnda fɔlɔn mà dindin malan nda hun, yɔŋii ya tɛɛmbuu nda.»

Tɔŋ lasálàá 21:17

«Soo o Aarɔn-ndo mà dimul ndu aa: ‹Kandɔɔ hau háá le fɛɛn a fɛɛn, vana-vana va pɛ namtanɔɔ o polale ndu Aarɔn-nden coo, vana kon bɛnda mò tiiyal Mɛlɛka ɲɛdiaa sálàá le.

Tɔŋ lasálàá 21:21

Vana-vana va pɛ namtanɔɔ o polale Aarɔn-nden coo, le fɛɛn a fɛɛn, o bɛnda mò sɔɔnguu o fonda-loamaa-lasálàá ikɛi le ya sálàá lumndo le. Le tùú o co namtanɔɔ-o, o bɛnda mò sɔɔnguu a ɲɛdiaa le Mɛlɛka ndu lumndo le.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 21:23

Kɛ le tùú o co namtanɔɔ-o, o bɛnda mò sɔɔnguu o kola-landaa co o Cɛi-Diandaa nin-ndo ikɛi le. O bɛnda vɛlɛ mo sɔɔnguu o fonda-loamaa-lasálàá ikɛi le, yɔŋii o nɔɔliaa fonda ni diandaa. Kani ya co Mɛlɛka ni, ya hɛli vanaa-solia-lasálàá ni mí dindi nda le baala nuu.›»

Kundalan 16:5

O kon, mó dimul Kore a vanaa o hin-nda aa: «Siɔdii, Mɛlɛka co naa vana co vana ndɔɔ-o cɔm, o co naa vana co o diandaa le simndan ndu o hɔl-lo cɔm. O sɔɔngunnin vana o hɛlinin-ndo ndu ikɛi.

Kundalan 28:2

«Soo o Israɛlla lo ma dimul nda aa: ‹A cuu ya sálà co le ya-o o telen kelun-ndo, ɲɛm dian ŋɔa mun o yin le ya Mɛlɛka-on, n ya tuɛi cun kɛndɔɔ mì ɲɔɔ hɛnan ya-on pɛɛn.