Tɔŋ lasálàá 21:15 - BII BILA

¹⁵ yɔŋii o luei polale laasiɛilen o yungule ndɔlen nin. Ya co Mɛlɛka ni. Ya hɛli ndu ni mí dindi ndu le baala nuu.›»

Tɔŋ lasálàá 21:15 Referans Kwoze

1Korɛntea 7:14

Kani vanapɔnɔ nɔ laalan too sɔɔnguu Hala ikɛi laa ndɔ kɔɔli, mì vana pɔnɔ ndɔ co vana laalan too sɔɔnguu Hala ikɛi laa ndɔ kɔɔli. Kɛ te i yɔŋnun lende le, cuavaa vanaa ŋiɔŋaa kan a siŋnun maa vanaa nɔɔlɛi Hala o hɔl, nduyɛ a diandaa nda co ni.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Malasi 2:15

Vɛ̀ɛ̀ o co dialii pilɛi le Mɛlɛka siinguu niaa niaa ndu o kɔllo a o falon nin te? Yɛɛ nɛ vanaciee pilɛ kon yeema yɛ? Vɛ̀ɛ̀ o co le cuavaa Hala yɔngu-a sɔlaa le? Lelan la caa a niaa pila, la hui lanɔ niaa yil o felengiyɛi nin-ndo le.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Ɛsdras 2:62

Mí vanaa kan a nuwviaa sɛbɛla diola fuɲaa ndaa mamaa láà sɛvan nin-ndan, kɛ a seelun ndan te. Le hee, má soli nda o vali solia lasálàá nin, má ca nda maa vanaa dindu le-a.

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Matie 23:17

Niaa vanaa sumɛiya bii ha dɛnɛ bila le-a! Sianion a Cɛi-Hala co sianion dindio-o, yɛɛ hiow yɛ?

Tɔŋ lasálàá 21:14

O bɛnda mò cua vanlaandua ha o pilɛ o nɔ̀u nin te: vanalanɔ pɔnɔ ndɔ vi-o, vanalanɔ pɔnɔ ndɔ kɛɛ-o, vanalanɔ suunda nin-ndo. Kɛ o bɛnda mò yil vanalanɔ hiw vɔ vanapɔnɔ kɔɔli loo o nɔ̀u nin o vanayan ndɔn tɛɛn,

Tɔŋ lasálàá 21:16

Mí Mɛlɛka soaa o Moise lo, mó dimul ndu aa:

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Tɔŋ lasálàá 20:7

La díndin mì la va vanaa diandaa siŋnun teengen le ya-a, kani ya co Mɛlɛka ni, Hala niaa pɛɛn.›»

Tɔŋ lasálàá 22:16

Kani te a de pɛ ɲɛm mun telen nda bɛnda le mun dio loo, mɛɛ a del kasi bɛndu-bɛndoo. Ya co Mɛlɛka ni, ya hɛli nda mí dindi nda le baala nuu ni.›»