Tɔŋ lasálàá 21:10 - BII BILA

¹⁰ Vana-solia-lasálà sɔla hɛlio le vaa bolle vanaa-solia-lasálàá kpow-vo, o nda tala cuɛima diandan o lebol o paale kafo kandaa baalalen coo le ndu pɔlaa-o, ó cuɛinun volɔɔla diandaalan le baala Mɛlɛka-o-o, o bɛnda mò puusian yiinde o lebol te. O bɛnda mò sɛɛsian volɔɔla cuɛinanndan lekɔɔ le biisio le.

Tɔŋ lasálàá 21:10 Referans Kwoze

Tɔŋ lasálàá 16:32

Vana bɛnda mò tosa faleŋii baŋannde-o, ndu co vana-solia-lasálà sɔla pɔlaa mo siŋnun teengen le vali solia lasálàá tosaa-o ni. Ó sɔla pɔlaa le lou o fonda fuɲa ndɔ-o, le siŋnɔnndo bolle vanaa-solia-lasálàá-o pɛɛn. Le faleŋun mun tosaa, o bɛnda mò cuɛinun volɔɔla toosian a kola keesoo lan, lan la co ladiandaa Mɛlɛka o hɔl ni.

Matie 26:65

O kon, mí bolle vanaa-solia-lasálàá sɛɛsian volɔɔlan lekɔɔ, mó dimi aa: «O dimi sɔɛi tana-i a Hala. Ɔ́ɔ̀ seyaa naa n co vɛlɛ ɲuna le hee-a? Kámáá niaa pila langa tuei mɛɛ o dimi sɔɛi tanɛi a Hala yɛ! Ɔ́ɔ̀ yiyan niaa?»

Kundalan 35:25

A bɛnda mà baŋa ndu vana cɛn le màá mingio-o o ba, mà mingi ndu o kobi vana viannun nin-ndo nin, nɛɛ ndóò kɔ vionnun nin-nda. Vana sulalle fula kon o ba mó dii vanacieo-vo lonin o viannanndo o kobi vana viannun kon nin-ndo nin háá mì bolle vanaa-solia-lasálàà nda pɔla a cuɛima diandan-ndo vi.

Tɔŋ lasálàá 8:12

O kon kɔɔli, mó tala Aarɔn cuɛima pɔlan o lebol, mó pɔla ndu le ndu siinguuo teengen le baala Mɛlɛka-o.

Condii lisai 133:2

O co ko macoaa maa cuɛima kɛndɛ-kɛndɛma nda tala o lebol mì ma toal o siɛye coo-an, o siayii Aarɔn-nde coo pɛɛn, ma co tolɔɔ o cɔcɔn doma ndɔɔ coo-an.

Ɛstɛr 6:12

O kon kɔɔli, mí Mardosee muungu o bɛ́ɛ̀ lemasaa. Mí Haman muungu a kiltan o ndu lo a mɔnɛi, a bollen le tundaa.

2Samiɛl 15:30

David va Pembii oliviei helɔɔ pelun fondo a caŋndo, kolaa va o kumbuaa ndu o lebol. Vanaa va kɔlan ndu kɔɔli-a bɛɛ a va kɔlan a kolalan lakumbuan o lebol, a va kɔlan a caŋndo.

Tɔŋ lasálàá 13:45

Fɔ mì vana nàà kon bii-o vownun volɔɔla ndɔla cuɛinanndan lasɛɛsiɛilan, mò puusiaa yiinde ndu o lebol, mò kumbu siayii co o milinndo bɛngu-e, mò yonda aa: ‹Vana nɔɔlɛiyo! Vana nɔɔlɛiyo!›

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

SƐBƐ YƆB-O 1:20

Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,

Fulaa 29:7

O kon kɔɔli, a cua cuɛima co le pɔlaa-an, a tala man ndu o lebol, a pɔla ndu.

Esekiɛl 24:17

Ŋɔɔcian o kɔl nin, kɛ tosa sɔɔn biisin vanvílɛ́iya le. Vownun mɔsil nɔm vilɛiyo, vownun samtala nɔmndan o n'pelu, kumbu hɔlaa nɔmnda tálá co lebɛngu-o le, dia ɲɛdiaa biisi caanda le.»

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Kundalan 6:7

Hali fuɲa ndɔ, kala ndɔ, bɛ ndɔ, pɔmbɔ ndɔ, te kon te le yema ndɔ sɔla piɔ́mndo ni, o bɛnda mò nɔɔlian o dialun ndan pilanndo le. Kani tɔɔmasele cɔm kpendekele maa ndu pila solin sálà le Hala ndɔɔ-o co ndu o lebol.