Tɔŋ lasálàá 21:1 - BII BILA

¹ Mí Mɛlɛka dimul Moise aa: «Dimul vanaa-solia-lasálàá, poaa Aarɔn-nda sɔɔn mun aa: ‹Vana-solia-lasálàá bɛnda mò siŋnun vana nɔɔlɛiyo Mɛlɛka o hɔl a dɛnɛ vana vílɛ́i co vanayɛi ndɔɛi-yo o kɔɔ le.

Tɔŋ lasálàá 21:1 Referans Kwoze

Esekiɛl 44:25

Vana-solia-lasálàá bɛnda mò sɔɔnguu vana vílɛ́iyo ikɛi le, yɔŋii o siŋnun vana nɔɔlɛiyo Mɛlɛka o hɔl. Vanaa vílɛ́i o bɛnda mò sɔɔngu ikɛi o siŋnun vana nɔɔlɛi Mɛlɛka o hɔl too-a kínɛí a co haa ni: fuɲa ndɔ, kala ndɔ, po ndɔɔ, cua ndɔɔ, bɛ ndɔ (te kon te pɔmbɔ ndɔ), a yema ndɔ cel-lɔ o nɔ loo.

Kundalan 19:14

Te vanndo vi pɛ o cɛi-kola-toandaa pum nin, tɔŋ niaa bɛnda le lou kɔɔli-o co hoo ni: vanaa luɛinin o cɛi-kola-toandaa kon nin-nda a vanaa va lenin mó vu-a kpow a bɛnda ma lo a nɔɔlɛiya Mɛlɛka o hɔl háá palɛi ndii ŋɔmmɛw.

Tɔŋ lasálàá 21:11

O bɛnda mò sɔɔnguu vana vílɛ́iyo ikɛi le. Hali fuɲa ndɔ, te kon te kala ndɔ vu bɛɛ, o bɛnda mò siŋnun vana nɔɔlɛiyo Mɛlɛka o hɔl le nda le.

Tɔŋ lasálàá 19:28

La bóólùù dialun niaan le dɛnɛ palaa le, la kiáŋnun vaasan lekɔɔ mì la tuula ɲɛ-ɲɛ o yáw niaa coo le. Ya co Mɛlɛka ni.

Malasi 2:4

Ken co tosa ni mì la sina maa o niaa lo ya co sɔɛi ni, haliko mi kpema ya yiilu Levii-o lo o kɛndɛ. Ya Mɛlɛka-Nɔ-Kpaayaa-Kpow-vo dimi lende ni.

Malasi 2:1

«Niaa vanaa-solia-lasálàá, le niaa kpeekpei ya co hee dimi ni.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Kundalan 19:16

Te vanndo pilan pɛ vana vílɛ́i vanacieo dii-o, te kon te vana vi a ba ndɔ-o yondoo nin di-di, te kon te o boŋ pɛ o paala vanacieo, te kon te mò kei o sɛiyo coo, vana kon bɛnda mò lo o nɔɔlɛiyo háá le palɛi ndii ŋɔmmɛw.

Kundalan 5:2

«Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Kundalan 6:6

O telen ndu pila solin kon sálà le Mɛlɛka-o nin kpow, o bɛnda mò pilan vana vílɛ́iyo le.

Kundalan 19:11

«Vana-vana pilan pɛ vana vílɛ́iyo, mɛ̀ɛ́-mɛ̀ɛ́ o va, ndu siŋnun vana nɔɔlɛiyo ya Mɛlɛka o hɔl le palɛi ndii ŋɔmmɛw.