Tɔŋ lasálàá 20:9 - BII BILA

⁹ Te vanndo mɛna pɛ fuɲa ndɔ, te kon te kala ndɔ, vana mɛna kon-ndo bɛnda mò sɔla piɔ́mndo. Ndu pila nuwviaa piɔ́m ndɔ kon ni, kani o mɛna vanaa velu ndu-a.

Tɔŋ lasálàá 20:9 Referans Kwoze

Fulaa 21:17

Te vanndo mɛna pɛ fuɲa ndɔ, te kon te kala ndɔ, vana mɛna kon-ndo bɛnda mò sɔla piɔ́mndo.»

Marke 7:10

Kani mí Moise dimi aa: ‹Biilu fuɲa nɔm a kala nɔm›, mó dimi vɛlɛ aa ‹Vana yei pɛ fuɲa ndɔ te kon te kala ndɔ, ndu bɛnda mò sɔla piɔ́mndo.›

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Matie 15:4

Kani Hala dimi aa: ‹Biilu fuɲa nɔm a kala nɔm›, mó dimi vɛlɛ aa: ‹Vana dimi pɛ diomnde vɔɔnnden a fuɲa ndɔ, te kon te a kala ndɔ, o bɛnda mò sɔla piɔ́mndo›.

Talelan 20:20

Te vanndo mɛna pɛ fuɲa ndɔ, te kon te a kala ndɔ, yoomu vana kon ɲumnin mɛɛ tɛ̀ngɔ́ɔ́ ɲum o ɲumndan nin nuaa yɛ.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Talelan 30:11

Vanaa pum mɛnaa nda mɛna fuɲaa ndaa ni, à dimi vɛlɛ sɔɔn kɛndɛ a kalaa velu nda-a le.

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

Masaa kialaa n'yamaa 9:24

Mí vana-vana o nda tɛɛn o sɔla sala dɛnɛ vɔɔn o tosa-o: Abimelɛk ndu, le diyɔɔ o dii puapilɛa ndɔa-o, poaa belaŋɔmmɛvaa Yerubaal-la pɛɛn. Sikɛmnda nda nda, le tùú nda sim Abimelɛk kɔɔli le puapilɛa ndɔa diwvo-o.

Matie 27:25

Mí vannda kpow a muli aa: «Sɔɛi piɔ́m ndɔɔ va naa pila a cuavaa naa coo!»

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

Yosue 2:19

Vana-vana fula pɛ o nɔm ndo cɛinin le kɔlan o bɛ́ɛ̀, mɛɛ ndu pila nuwviaa piɔ́m ndɔɔ ni, naa n sɔlanin yaala le. Kɛ vana-vana lo pɛ o nɔm ndo cɛinin mi n yɔŋ ndu ɲɛ, mɛɛ kooma vana kon ma delnin naa o lebol.

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 20:16

Te vanalanɔɔ bɛɛ hini pɛ a cɔloo, Israɛlla bɛnda mà dii nda. A bɛnda mà sɔla piɔ́mndo, kani nda pila nuwviaa piɔ́m kon ni.

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Esekiɛl 18:13

mó mal kueo le tɔnɔɔ sɔlaa, mó mal dɔndɔɔ le ndu mingullo a tɔnɔɔ lecoo, vɛ̀ɛ̀ po kon viawnin pá yoomu? O viwnin yoomu le! Le dɛnnda o tosa lan-ndan, o bɛnda mò vi kangalan, ndu pila nuwviaa piɔ́m ndɔ kon ni!