Tɔŋ lasálàá 20:8 - BII BILA

⁸ «La bíí tɔŋnda nilan a silala nilan kpow. Ya co Mɛlɛka ni, ya hɛli niaa ni mí la siŋnun yungu diandaa co teengen-ndo.

Tɔŋ lasálàá 20:8 Referans Kwoze

Fulaa 31:13

«Nɔm Moise, soo o Israɛlla lo ma dimul nda aa: ‹La bii palɛi pɛngiɛi a kɔlta niaalan kpow, kani le fɛɛn a fɛɛn, tɔɔmaseloo co kon naa tɛɛn naa niaa ni, le sinaa maa ya Mɛlɛka siinguu niaa vanaa diandaa ni.

Nsaki 1:22

La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Matie 5:19

Vana-vana tɛɛmbuu pɛ tɔŋ hiow dɔɔnanndo o tɔŋndan ndan tɛɛn-ndo o pilɛ, mò pɛɛku vannda tosaa maa ndu, vana kon ndu hiawnin dɔɔnanndo o masale halataala len nin ni. Kɛ vana kela pɛ lecoo, mò pɛɛku vannda lan biyɔɔ, ndu vanin vana bɛndoo o masale halataala len nin.

Esekiɛl 37:28

O kon, lɔ́ɔ́ cɛi-kola-toandaa diandaa nuu vanin nda tɛɛn le lɔ́ɔ́-lɔ́ɔ̀-o, vanaa-mangalaa-isɔɔa sinanin maa ya co Mɛlɛka co Israɛlla dindio-o ni.

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Tɔŋ lasálàá 19:37

La bíí tɔŋnda nilan a silala nilan kpow, mì la tosa mɛɛ ya co niaa pɛɛkoo yɛ. Ya co Mɛlɛka ni.›»

Matie 23:17

Niaa vanaa sumɛiya bii ha dɛnɛ bila le-a! Sianion a Cɛi-Hala co sianion dindio-o, yɛɛ hiow yɛ?

Tɔŋ lasálàá 19:19

La bii silala nilan. La bɛnda mì la muulian cɔlua co súú pilɛ le-a nda ŋiɔn mà hel te. La sáŋ yɛiyun co súú pilɛ loon mún miun o ciɛɔn niaan nin te. La cuɛ́inùn volɔɔla toosian a kɛilan súúlan tan tiɔn-ndan te.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

Tɔŋ lasálàá 22:32

La nɔ́ɔ́liàà diola nila diandaalan te, haliko mi Israɛlla sina válán maa Mɛlɛka diandaa co teengen-ndo ya co ni. Ya co Mɛlɛka ni, ya hɛli niaa ni mì dindi niaa le vaa cuavaa nia.