Tɔŋ lasálàá 20:6 - BII BILA

⁶ Te vanndo mulin pɛ o vanaa soaa a vanvílɛ́iya-a lo a o vanaa mangalaa lo, mò laasian nda kɔɔli, i hinulnin vana kon mì faŋa ndu Israɛlla tɛɛn le laasian ndɔ kon.

Tɔŋ lasálàá 20:6 Referans Kwoze

Tɔŋ lasálàá 19:31

La sɔ́ɔ́nguu vanaa soaa a vanvílɛ́iya-a ikɛi le, la sɔ́ɔ́nguu vanaa mangalaa ikɛi le, yɔŋii niaa nɔɔlian maa nda. Ya co Mɛlɛka ni, Hala niaa pɛɛn.

Esai 8:19

Taa dimul niaa pɛ aa: ‹La kɔ ɲuna vanaa suukan a vanvílɛ́iya-a, vanaa viamaa yavaa, vanaa soaa tootoo a ciŋndon sɔsaa-a, mà dimi aa hala vannda nɔ pɛ o co hala kon te nda piɛi le, o va bɛɛ aa o vanvílɛ́iya lo nda soaa le dɛnɛ kɛndɛ vanaa co yoomu-a ni›, la mulul nda aa:

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Condii lisai 73:27

Vanaa co nɔm Hala faaŋianndo-a co yoomu ndaa ciiyo, vanaa co kɛɔ le lou o lediom coo a nɔm-nda co tambei.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Tɔŋ lasálàá 19:26

La diá vision a koovan lenin te. La vá vanaa mangalaa le. La vá vanaa viamaa yava le.

Dɛnnda kiilaa 16:16

Paale pilɛ, n va kɔlan nɛɛ nda piɛi Hala-a, mí cɛ laandoo pum hun le naa bɔŋaa. Ɲina vɔɔndo pum va ndu nin, ɲina kon va tosaa ni mó va sɔɔn siɔdii laci-on dimio. Nduyɛ, vanaa ndɔa bɛndua va volion sɔlaa taw a sɔɔn siɔdii laci o va mun dimio-on.

Fulaa 22:18

Vana-vana hini pɛ a cɔloo, ndu bɛnda mò sɔla piɔ́mndo kangalan.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 20:5

ya Mɛlɛka pila co ndu hinul a polale ndɔlen kpow ni. O kon, i faŋa nda Israɛlla tɛɛn few-few. Hali vanaa co bɛɛ laasian pilɛ kon Molɛk kɔɔli maa ndu-a, i faŋanin nda Israɛlla tɛɛn few-few.

Yeremi 44:11

Lelan, diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «I co niaa mululɔn, mì tuisi niaa dɛnɛ palaa coo, mì cii Yudaa kpow.

Fulaa 22:17

La cɛl mì vanalanɔ mangalaa va yoomu niaa tɛɛn te.