Tɔŋ lasálàá 20:3 - BII BILA

³ Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 20:3 Referans Kwoze

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Esekiɛl 20:39

Lelan sunsun, niaa cuavaa Israɛlla, la tuei-yɔ diom Maalii dimi-o, Mɛlɛka pɛɛn: «La kɔ, vana-vana kɔ sooluu piɔm sialaa ndɔɔ! Kɛ o kon kɔɔli, i canin, te la yeŋnin nilan o diom nuu le. Nduyɛ, la del-lɛnin kasi a diola nila diandaalan le ɲɛm kean niaan a le piɔmaa niaa le.

Kundalan 19:20

Kɛ te vana nɔɔla-o dindin lende le, a bɛnda ma faŋa ndu caanda tɛɛn few. Kani cɛi-kola-toandaa diandaa o co nɔɔliaa kon ni. Le tùú mɛmma dindianndan ma vesulun ndu loo, o lo o nɔɔlɛiyo.

Tɔŋ lasálàá 15:31

La dimul Israɛlla maa a bɛnda mà caa taw, mà mandan a dɛnnda nɔɔlɛilan, yɔŋii nda nɔɔliaa fonda ni diandaa mà sɔla piɔ́mndo. Kani o fonda kon nin ya co niaa tɛɛn ni.

1Piɛr 3:12

Kani Mɛlɛka nɔ hɔlten vanaa sandaa coo, o co nilan yaŋɔɔ o piɛile ndalen, kɛ a kpaayaa Mɛlɛka mululun vanaa tosaa dɛnnda vɔɔnda ni.

Tɔŋ lasálàá 20:4

Te vanaa vana soli kon hɔ́ɔ́ ndɔɔ sálà o Molɛk lo-o co tɛɛn-nda cɛlan pɛ le ndu isulal kumbɔɔ, mà kɛɛ le ndu viiyo a powtan le ndu diyɔɔ,

Kundalan 19:13

Te vanndo pilan pɛ vana vílɛ́iyo, mò saalan le dindinndo le, mɛɛ vana kon nɔɔliaa Calta Mɛlɛka lan. Lelan, a bɛnda ma faŋa ndu Israɛlla tɛɛn, kani le tùú mɛmma dindianndan ma hulun ndu coo loo, nɔɔla ndɔɔ co vɔ ndu coo.

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»

Tɔŋ lasálàá 7:20

Kɛ te vanndo va pɛ o nɔɔlɛiyo mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.

Tɔŋ lasálàá 7:21

Te vanndo pilan vɛlɛ pɛ ɲɛ co o nɔɔlɛiyo-o, o va vanaciee nɔɔlɛi o va visi nɔɔlɛi, te kon te dɛnɛ nɔɔlɛi súú-súù, mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.»

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Tɔŋ lasálàá 21:6

Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.