Tɔŋ lasálàá 20:27 - BII BILA

²⁷ Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 20:27 Referans Kwoze

Tɔŋ lasálàá 19:31

La sɔ́ɔ́nguu vanaa soaa a vanvílɛ́iya-a ikɛi le, la sɔ́ɔ́nguu vanaa mangalaa ikɛi le, yɔŋii niaa nɔɔlian maa nda. Ya co Mɛlɛka ni, Hala niaa pɛɛn.

Tɔŋ lasálàá 20:6

Te vanndo mulin pɛ o vanaa soaa a vanvílɛ́iya-a lo a o vanaa mangalaa lo, mò laasian nda kɔɔli, i hinulnin vana kon mì faŋa ndu Israɛlla tɛɛn le laasian ndɔ kon.

Fulaa 22:18

Vana-vana hini pɛ a cɔloo, ndu bɛnda mò sɔla piɔ́mndo kangalan.

Dɛnnda kiilaa 16:16

Paale pilɛ, n va kɔlan nɛɛ nda piɛi Hala-a, mí cɛ laandoo pum hun le naa bɔŋaa. Ɲina vɔɔndo pum va ndu nin, ɲina kon va tosaa ni mó va sɔɔn siɔdii laci-on dimio. Nduyɛ, vanaa ndɔa bɛndua va volion sɔlaa taw a sɔɔn siɔdii laci o va mun dimio-on.

Tɔŋ lasálàá 20:2

«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Tɔŋ lasálàá 24:14

«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi.

Kundalan 15:35

Mí Mɛlɛka dimul Moise aa: «Langbanɔɔ ho bɛnda mò sɔla piɔ́mndo, sɛ́lɔ́ɔ́ kpow a bɛnda mà vii ndu a powtan o dɔ́ɔ́ngɔ́ɔ̀ kɔɔli háá mo vi.»

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

1Samiɛl 28:3

Lɔ́ɔ́ Samiɛl vi-o, mí Israɛlla kpow a tosa biisi ndɔɔ, má kumbu ndu Rama o kobi ndɔɔ nin. O kon kɔɔli, mí Saul kɛɛ vanaa soolaa n'vanvílɛ́iya a vanaa viamaa yavaa o masale ndɔlen nin.

2Dɛnnda lemasalan 33:6

Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.