Tɔŋ lasálàá 20:26 - BII BILA

²⁶ La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

Tɔŋ lasálàá 20:26 Referans Kwoze

Tɔŋ lasálàá 20:7

La díndin mì la va vanaa diandaa siŋnun teengen le ya-a, kani ya co Mɛlɛka ni, Hala niaa pɛɛn.›»

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Condii lisai 99:5

La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.

Esai 30:11

La faŋan o nɛi kpeekpeiyo coo, la mal nɛi sandaa mí la sei. La faŋa O-Diandaa Israɛlla naa o hɔlla!»

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

Yosue 24:19

O kon kɔɔli, mí Yosue mulul nda aa: «La nɔlanin Mɛlɛka baalaa tosal te, kani Hala diandaa o co ni, Hala paŋalaa o co ni, o melnin nila kalula niaalan a hakila niaalan haki le.

Tɔŋ lasálàá 11:44

Kani ya co Mɛlɛka ni, Hala niaa pɛɛn. Lelan la dindin few, mì la va vanaa diandaa, kani o diandaa ya co ni. Le hee, la síŋnùn vanaa nɔɔlɛiya a ɲaa huulaa a visia pɔmbɔa sasun lɛŋ-nda o kɔɔ le.

Tɔŋ lasálàá 20:8

«La bíí tɔŋnda nilan a silala nilan kpow. Ya co Mɛlɛka ni, ya hɛli niaa ni mí la siŋnun yungu diandaa co teengen-ndo.

Nehemi 10:29

Mí vanaa tɔ̀a kpow sɔɔnguu nda ikɛi, nda yɔŋnun haa ni: vanaa-solia-lasálàá, leviia, kpalilaa cumulaa ladioa, vanaa solia n'condua, Netiniaa va baalaa o Cɛi-Hala-o nin-nda a naa vanaa sɛyan a vanaa súúla celeŋaa lo icali o lɛŋnden nin telen nda kɔɛ a Israɛlla o biyɔɔ nin-nda-a, naa n lo a yiinannda a tɔŋ Mɛlɛka-o-a pɛɛn. Handɔɔ o laandaa naa, poaa naa a o cuavaa naa laandua nɔ nin kɔlkaloo-a,