Tɔŋ lasálàá 20:24 - BII BILA

²⁴ O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Tɔŋ lasálàá 20:24 Referans Kwoze

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Fulaa 6:8

I co niaa yɔɔ o lɛŋnde ya mɛnalan Abraham, Isaak a Yakɔb le nda len yɔngoo len nin. I co niaa len yɔngu ɲɛ niaa pɛ́-pɛ́. Ya Mɛlɛka soo nuaa ni.›»

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

1Masaa 8:53

Kani nɔm Maalii, nɔm Mɛlɛka hɛli naa Israɛlla vanaa-mangalaa-isɔaa kpow tɛɛn o lɛŋnden coo ni, ma siinguu naa kɛ́ nɔmndo mɛɛ nɔm óò dimul Moise vana nɔm baala lɔ́ɔ́ kon yɛ, lɔ́ɔ́ n soli fuɲaa naa mamaa Esipte-o.»

Kundalan 23:9

I sim o powta kpovalan bollen, mí ca nda. I sim o pembon coo, mí mɛɛndan nda. A toɲa, vanaa calta ndalan la connun teengen-nda nda co ni. Nda co ɲɛ pilɛ a vanaa-mangalaa-isɔɔa tɔ̀a le.

Fulaa 33:3

Mɛlɛkanɔɔ co lakɔ a niaa o lɛŋnde cɔlua a tɔlɔɔlan la naŋ nin taw-taw len nin. Kɛ ya pila Mɛlɛka, i kuenin niaa tɛɛn te, kani la co bɔɔ vanaa lanila kalu. Te i kɔɛ pɛ niaa tɛɛn, i kei niaa diw nɛi-tɛɛn kpow.»

Fulaa 13:5

Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

Tɔŋ lasálàá 14:34

«Telen niaa tiiyanin o lɛŋnde Kanaan-nden nin-ndo, lɛŋnde ya yɔngu niaa len, te la ce pɛ mì soli sɔŋ velan a yullo-o o cɛiyo pum o lɛŋnde niaale sɛnɛile len nin,