Tɔŋ lasálàá 20:2 - BII BILA

² «Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.

Tɔŋ lasálàá 20:2 Referans Kwoze

Tɔŋ miingua 21:21

O kon, vanpiaandua co o kobi kon nin-nda kpow a vii ndu a powtan háá o vi. Lende niaa solinin dɛnɛ vɔɔndo niaa tɛɛn ni. Israɛlla kpede a tuɛinin sɔɛi ken, mì siòònde bii nda.»

Tɔŋ lasálàá 24:23

Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu. Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.

Tɔŋ lasálàá 24:14

«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi.

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

Dɛnnda kiilaa 7:43

Ɛ-ɛ, kɛ mí la cua cɛi-kola-toandaa hala nɔ diolan aa Molɛk-o, a loei Refan, hala niaa, piɔmaa niaa toosiaa le nda vulan baŋɔɔ o labɛngunin-nda pɛɛn. Lelan ya bɛɛ, i co niaa soli o lɛŋnde niaalen nin, mì yɛɛ niaa Babilɔn lekɔɔli.›

Esekiɛl 23:39

Paale nda va poaa ndaa sálàá solio o piɔmaa ndaa lo len, má kɔ luɛi vɛlɛ o cɛi-kola-toandaa ni diandaa nin le ndu nɔɔliaa. Ken nda tosa o cɛi nuu tɛɛn déŋ ni.

Esekiɛl 23:37

kani o suundaa nin nda luei bollen ni, bala ndalan la co la lɔngɔlɛilan a koovan, a suundaa a piɔmaa ndaa. Handɔɔ o kon coo, poaa ndaa vilul-la-a, má loam nda o yinnden nin le nda sálàá solio, haliko mi piɔmaa kan somisomi nda.

Esekiɛl 20:31

Háá a paalen nden, la co nɔɔlianndo a piɔmaa niaa kpow o ɲɛm kean niaan yɔngoo nin a o hɔ́aa niaa keiyo o yinnden nin. Vɛ̀ɛ̀ mì cɛl vɛlɛ mì la hiow laci a ya isɔɔ ɲunaa, niaa cuavaa Israɛlla? Le yoomu nuu, i cɛl-lɛnin mì la ɲuna ya isɔɔ le! Sɔɛi fula Maalii o sondo-e co ken ni, Mɛlɛka pɛɛn.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

Condii lisai 106:38

Má soli kooma vanaa tɛɛmbuu isɔɔ le-a sálà, koma poaa ndaa a ma cuavaa ndaa laandua pɛɛn, a nda solul piɔmaa va o lɛŋnde Kanaan-nden nin-nda sálàlan-nda. Mí lɛŋnde len le luɛi o màálan bɛngu a kooma ndan.

2Dɛnnda lemasalan 33:6

Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.

2Dɛnnda lemasalan 28:3

Mó va sálàla cuɛima cun kɛndɛlan solio o Bóllo Hinnɔm nin. Mó loam poaa ndɔa, mó soli nda sálà maa mɛɛ dɛnnda nɔɔlɛila vanaa-mangalaa-isɔɔa Mɛlɛka tow Israɛlla laci-a la va yɛ.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

2Masaa 17:17

Má loam poaa ndaa a cuavaa ndaa laandua o yin le nda sálàlan solio. Má luɛi dɛnnda mangalaalan a dɛnnda lekueilan tosaa, má vɔngulun o dɛnnda vɔw Mɛlɛka o hɔl-tan tosaa nin, má tɛɛmbuu ndu kɔllo.

Tɔŋ miingua 18:10

O niaa tɛɛn, vana-vana bɛnda mò lom po ndɔɔ, te kon te cua ndɔɔ o yin te. Vana mangalaa, vana viamaa yavaa, vana soaa a loeon o kɔɔ-o, fuéinɔɔ,

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Tɔŋ lasálàá 17:15

Te cua pilacieo Israɛl, te kon te mial co icali niaa o bɛngu coo-o de pɛ visi vi a ba ndɔ-o, te kon te visi visi biyaa dii-o, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo Mɛlɛka o hɔl háá icɔllo. O kon kɔɔli, o dendu.

Tɔŋ lasálàá 17:13

Te cua pilacieo Israɛl, te kon te mial co niaa o bɛngu coo-o bii pɛ visi vana dia-o, te kon te yow vana dia-o o doosulen, o bɛnda mò soli visi kon, te kon te yow kon koovan, mò tala man lɛŋ, mò kumbu man a puuloo.

Tɔŋ lasálàá 17:8

Mà dimul vɛlɛ nda aa: ‹Te cua pilacieo Israɛl, te kon te mial co niaa o bɛngu coo-o yeema pɛ le sálà loamaa, te kon te sálà súú celen solio,

Tɔŋ lasálàá 20:1

Mí Mɛlɛka soaa o Moise lo, mó dimul ndu aa:

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

Tɔŋ lasálàá 24:16

Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.

Tɔŋ miingua 17:2

Te o va pɛ maa o kobila Mɛlɛka Hala niaa ke niaa lan o pum nin, vanapɔnɔɔ pum, te kon te vanalanɔɔ pum niaa tɛɛn o tosa dɛnɛ hɛnan Mɛlɛka Hala niaa loo, mò del kasi a kpema Mɛlɛka-o,

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.