Tɔŋ lasálàá 20:14 - BII BILA

¹⁴ Te vanndo kpɔnda pɛ vanalanɔɔ a kalaa vanalanɔ kon cuaa o nɔ̀u nin, mɛɛ o tosa bɔɔ mààla bɛndu-bɛndu. Vannda bɛnda mà lom vanapɔnɔ kon a vanlaandua ŋiɔŋaa kan kpúlúká a yinnden. Yɔŋii dɛnnda vɔɔnnda vaa lende la va tosanndo niaa tɛɛn.

Tɔŋ lasálàá 20:14 Referans Kwoze

Tɔŋ lasálàá 18:17

A bɛnda ma tosa kpelemɔɔsaa a vanalanɔɔ, ma tosa vɛlɛ kpelemɔɔsaa a cua ndɔɔ le. A bɛnda vɛlɛ ma va a cua cua ndɔɔ, te kon te cua po ndɔɔ le, kani vanayɛi nda co ni. A tosa pɛ kon, mɛɛ mààla bɛndu-bɛndulan n tosa lende ni.

Tɔŋ miingua 27:23

Màá dangaa va vana suunda a lefu ndɔ laandoo-o coo, kalaa laa ndɔ pɛɛn! Vannda kpow a cɛlnin aa: ‹Amiina!›

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.

Yosue 7:15

Vana ya hɛlinin nda tɛɛn-ndo, mɛɛ ndu ɲɛm ya kuuna mún-ndon co o ba ni. O kon, la bii vana kon, la mal ndu o yin a ɲɛm ndɔn kpow, o ŋɔɛ sukɛí, le tùú o tɛɛmbuu kpema ya Mɛlɛka-o-o a le tùú o tosa dɛnɛ nɔɔlɛiyo Israɛlla tɛɛn-ndo.»

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Tɔŋ lasálàá 21:9

Te cua vana-solia-lasálàá laasian pɛ o suundaa nin, mɛɛ fuɲa ndɔ o ke diola vɔɔnndan lende ni. Lelan, a bɛnda mà lom ndu a yinnden mò ŋɔɛ.