«Nuaa n dimulnin Israɛlla ni aa: ‹Te cua pilacieo Israɛl, te kon te mial co icali Israɛlla o bɛngu coo-o soli pɛ hɔ́ɔ́ ndɔɔ sálà o piɔmndo Molɛk lo, vana soli kon hɔ́ɔ́ ndɔɔ sálà-o bɛnda mò sɔla piɔ́mndo. Vanaa o co icali tɛɛn-nda bɛnda mà lo ndu viiyo a powtan háá mo vi.
Mɛlɛka cɛlnin pá saa kóndóa hali sɛ́lɛ́ bɛndoo? O cɛlnin pá cuɛima lakongima cuu man kɔɔli le-an? Vɛ̀ɛ̀ mì ke ndu po ni tasoo haliko mo mal-la haki a kɔlvesɛi nuu? Bàà mì ke ndu hɔ́ɔ́ ya solin o ipulu-o le haki ni ya pila tosa-o?
Te la nɔ pɛ siòòŋii Mɛlɛka-e, te la tosal pɛ ndu baalaa, te la tuei pɛ ndu diom, te la bii pɛ sɔɛi ndɔɛi mì la tosa lanila kalu le silala ndɔlan biyɔɔ le, mɛɛ niaa pila a masa niaa, la lonin ndu Mɛlɛka Hala niaa kɔɔli.
Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»
Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.
