Tɔŋ lasálàá 2:14 - BII BILA

¹⁴ Taa yeema pɛ le ya Mɛlɛka sálàá solullo a ɲɛm tasen n kow-von, a bɛnda ma yɔngu ya yasala n toŋ o yin má cui lan-ndan.

Tɔŋ lasálàá 2:14 Referans Kwoze

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Kundalan 28:2

«Soo o Israɛlla lo ma dimul nda aa: ‹A cuu ya sálà co le ya-o o telen kelun-ndo, ɲɛm dian ŋɔa mun o yin le ya Mɛlɛka-on, n ya tuɛi cun kɛndɔɔ mì ɲɔɔ hɛnan ya-on pɛɛn.

2Masaa 4:42

O telen kon nin, mí langbanɔɔ pum can o lɛŋnde Baal-Salisa len nin, mó hun. Mó cuu vana-tɛɛngaa-diom Hala-o bulula ɔrselan bidiin, a yasala n'malta ɲululan o bɔlɔɔ nin. Mí Elise dimi aa: «Yɔngu vannda ha mà de.»

Tɔŋ miingua 26:2

vana-vana faŋa ɲɛ pum o kulun tasen o sɔlanin o tɔlɔɔ ndɔɔ nin o lɛŋnde len nin-ndon nin, o vow mun o kambɛiyo nin, o kɔɛ a mun o fonda Mɛlɛka hɛlinin le diola ndɔlan vaa biilɔnndo-o.

Tɔŋ lasálàá 23:20

Vana-solia-lasálàá cua pɛ bulu nda toosiaa kon a tumbu tasoo-o, o heelu ndu coo, o tosa falennde ya o hɔl a cɔlua kan latulu, handɔɔ niko saa téndéa ŋiɔnda lecoo. Ɲɛm dindin le Mɛlɛka mí n siŋnun teengen-ndon co mun ni. N cuu pɛ dindin lende ya Mɛlɛka o hɔl, mì n siŋnun teengen, vana-solia-lasálàá cua mun le ndu pila.

Tɔŋ lasálàá 22:29

Te la va pɛ ya Mɛlɛka sálà malaa balikaa solullo, la soli ndu mɛɛ hɛnan nuu co yɛ, haliko mi cɛl ndu.

O Kandɔɔ 4:3

Telen pum hiovɔɔ, mí Kain hun a ɲɛm o kow o ciɛi ndɔɛi nin-ndon, mó solul Mɛlɛka sálàá.

Tɔŋ lasálàá 2:15

A bɛnda ma vow cuɛiyan lecoo, ma kɛsi vɛlɛ ansan lecoo. Sálà fula o ɲɛm vaan nin-ndo co kon ni.

Tɔŋ lasálàá 2:16

O kon, vana-solia-lasálàá lom ɲɛ co le loonɔnndo a Mɛlɛka o kɔɔ-o: kpeyanndo o tiŋ, cuɛiyan matiŋ a lasikɔlɔ kon kpow. Sálà nda loam o yin le ya Mɛlɛka-o co kon ni.»

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.