Tɔŋ lasálàá 19:9 - BII BILA

⁹ Lɔ́ɔ́ niaa tiiyanin o lɛŋnde ya yɔngu niaa len nin mì la cal-lo, la vàá pɛ ciɛɔn mì la va mun kovɔɔ, la cii mun kovɔɔ háá o dangalaa le, la cɔ́wviàà vɛlɛ yasala vanin delio o kovɔɔ lan te.

Tɔŋ lasálàá 19:9 Referans Kwoze

Tɔŋ lasálàá 23:22

Telen niaa vanin ciɛɔn niaan kovɔɔ-o, la bɛnda mì la kow mun háá o dangaltan te. Yasala vanin delio lan bɛɛ, la cɔwviaa lan te. La mel vanaa ikɔɔa a mialla ɲɛm mun. Ya co Mɛlɛka ni, Hala niaa pɛɛn.›»

Ruti 2:15

Tuma Ruti muungu yasalan cɔwviaa-o, mí Boas dimul vanaa ndɔa baalaa aa: «La mál ndu mò cɔwviaa yasala co o tumbulan tɛɛn-ndan, vana-vana bɛnda mò duuva ndu le.

Ruti 2:2

Paale pilɛ, mí Ruti Moabunɔ dimul Noemi aa: «I yeema mì kɔɛ kela yasalan o ciɛɔn nin vanaa koavaa kɔɔli. Nɛɛ nda cɛl-la pɛ, i cɔwviaa lon.» Mì Noemi mulul ndu aa: «O naŋ, kɔ cuanndo.»

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Tɔŋ lasálàá 23:29

Vana-vana kɛɛ pɛ ɲinkon le sumndo biyɔɔ, à bɛnda mà faŋa ndu Israɛlla tɛɛn few-few.

Tɔŋ lasálàá 19:8

Vana de mun pɛ, mɛɛ o del kasi, o nɔɔliaa ɲɛ solin sálà le ya Mɛlɛka-o. Lelan, a faŋannin ndu Israɛlla tɛɛn few-few.

Tɔŋ lasálàá 19:10

La múúngù vɛlɛ o nakɔla n'rɛsɛnnda niaala nin mì la kɛndu kpɔ̀nyɔ̀la koamaala niaa pɔɛɛnun-ndan te, la cɔ́wviàà rɛsɛŋun deli lɛŋ-ndon te. La bɛnda mì la mɛi ɲɛm mun le vanaa ikɔɔa a le mialaa co icali niaa o bɛngu coo-a. Ya co Mɛlɛka ni, Hala niaa pɛɛn.

Ruti 2:8

O kon, mí Boas dimul Ruti aa: «Yaŋ nilan ɲɛkɛndɛi, cuanndo! Hali ma kue yasalan cɔwviaa o ciɛi vana celen nin te, lo nanu mì la va baalaa niaa buɛyaa nia laandua latulu.