Tɔŋ lasálàá 19:5 - BII BILA

⁵ Te la va pɛ ya Mɛlɛka sálà kɔlɲuloo solullo, la soli ndu mɛɛ o bɛnda le tosaa yɛ, haliko mi cɛl ndu.

Tɔŋ lasálàá 19:5 Referans Kwoze

Tɔŋ lasálàá 22:29

Te la va pɛ ya Mɛlɛka sálà malaa balikaa solullo, la soli ndu mɛɛ hɛnan nuu co yɛ, haliko mi cɛl ndu.

Tɔŋ lasálàá 7:16

Te vanndo soli pɛ sálà kɔlɲuloo le yoole o baa o Mɛlɛka lo len timbio, te kon te mò soli sálàá a yeemɛi ndɔɛi ndu pila-e, vana nɔla ma de sálà kon paale o fulanin nden, mì ɲɛ tɔ̀ lonin-ndo dennun vɛlɛ diimandɔɔ.

Tɔŋ lasálàá 22:19

te o yeema pɛ mì cɛl sálà ndɔɔ, o bɛnda mò yɔngu cɔlu piaandu nɔ lenamta loo ó cɔlua ndɔa pɔmbɔa, te kon te ó cɔlua ndɔa bɛndua tɛɛn.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Esekiɛl 46:12

Te simlacinɔ kon solul pɛ Mɛlɛka sálà loamaa o kelu o kɔl ndɔɔ nin a yeemɛi ndɔɛi-yo, te kon te o solul pɛ ndu sálà kɔlɲulu o kelu le solio a yeemɛi ndɔɛi-yo, a bɛnda ma kumbil ndu dio bɛndu muli hɔlla a kpengii paalen le can-nde-o, haliko (mo luɛi) mo soli sálà loamaa ndɔɔ a sálà kɔlɲulu ndɔɔ mɛɛ o dema tosa o paale pɛngiaalen coo yɛ. O cii pɛ lan soli lende, o fula, a koma mingi dio bɛndu kon kinda kpáŋ telen o fulanin-ndo.

Esekiɛl 46:2

Simlacinɔɔ keinin a nɛi cɛi-luɛyaa tase co o dio bɛndu co lekɔɔli-o, mó luɛi, mó sim o koŋ dio kon ikɛi. O kon, vanaa-solia-lasálàá solinin sálà loamaa ndɔɔ a sálàla kɔlɲulula ndɔlan. Kon cuu pɛ, simlacinɔ kon baŋnin vulan o kèédei dio bɛndoo coo, o cii pɛ ken o fula. Ɲinkon kpɛŋ dio bɛndu kon bɛnda mò kindan te, fɔ icɔllo.

2Dɛnnda lemasalan 31:2

Mí Esekia mingi vanaa-solia-lasálàá a leviia kɛsi a kundulan mɛɛ nda va a piɔvaa yɛ, mó cɔm vana-vana baala ndɔ: vanaa-solia-lasálàá a leviia le sálàla loamaalan a la kɔlɲululan solio, le baala lekaando tosaa a le condon solio o diola luɛyaala va o dɔ́ɔ́ngɔ́ Mɛlɛka-o lan sondoo.

Tɔŋ lasálàá 22:23

Te cɔloo nɔ pɛ pelii vilɛiye mì ndi hiow pelun tɔ̀un, la tiwba mì la soli ndu sálà niaa pila kelu o kɔl niaa nin a yeemɛi-yo, kɛ kon bɛnda le yoole niaa baa o Mɛlɛka lo len timbio le.

Tɔŋ lasálàá 22:21

Te vanndo baa pɛ yoolen o ya Mɛlɛka lo, te kon te mo kelu o kɔl ndɔɔ nin le ya sálà kɔlɲuloo solullo, o va a cɔlu bɛndoo, o va a o pɔmbɔɔ o yeema le sálà kon solio ni, o bɛnda mò soli cɔlu nɔ lenamta loo sálàá.

Fulaa 24:5

O kon kɔɔli, mó viam langbaa Israɛlla pum le Mɛlɛka sálàla loamaalan solullo, a le ndu sálàla kɔlɲululan solullo a navaa tovaa.

Tɔŋ lasálàá 19:4

La múlìn o halaa fondoa lo le nda sooloo le, la tééngiàà cilinndon o yin mì la cɔw piɔmnda a mun te. Ya co Mɛlɛka ni, Hala niaa pɛɛn.

Tɔŋ lasálàá 19:6

La nɔla mì la de visin cɔlu nda soli sálàá-on paale sálà kon fulanin-nden a diimandɔɔ. Kɛ te vision lo pɛ kuya háá o paale yàándɔlen, la bɛnda mì la lom mun kpúlúká o yin.

Tɔŋ lasálàá 7:18

Te vanndo de pɛ visin cɔlu o yɔngu le sálà kɔlɲulu ndɔɔ-on o paale yàándɔlen coo, Mɛlɛka cɛlnin sálà kon te, o siŋnunnin fúú le vana solinin ndu-o, kani dɛnɛ nɔɔlɛiyo co kon ni. Lelan, sanga haki vana kon vanin ndu pila o lebol.