Tɔŋ lasálàá 19:37 - BII BILA

³⁷ La bíí tɔŋnda nilan a silala nilan kpow, mì la tosa mɛɛ ya co niaa pɛɛkoo yɛ. Ya co Mɛlɛka ni.›»

Tɔŋ lasálàá 19:37 Referans Kwoze

Tɔŋ miingua 8:1

«Tɔŋnda ya co niaa yɔngoo hau lan kpow, la kindin mì la bii lan, mì la kela lecoo, haliko mi la va yoomu, mì la kui taw, mì la hɛlu lɛŋnde Mɛlɛka yiilu fuɲaa niaa mamaa kpemaa mó mɛnan le nda len keo len.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Condii lisai 119:34

Ke ya kɔlkaloo mì bii tɔŋ nɔmndo, mì bii ndu a kɔl nuu kpow.

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.

Tɔŋ lasálàá 19:36

La cua ɲɛla tuvaala n'ɲɛla bɛnda lan, la cua panila bɛnda lan a ndeveila bɛnda lan le ɲɔɔn tuuvo. Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni.

Tɔŋ lasálàá 20:1

Mí Mɛlɛka soaa o Moise lo, mó dimul ndu aa:

Tɔŋ lasálàá 22:31

La bii tɔŋnda nilan a silala nilan mì la kela lecoo. Ya co Mɛlɛka ni.

Tɔŋ lasálàá 19:19

La bii silala nilan. La bɛnda mì la muulian cɔlua co súú pilɛ le-a nda ŋiɔn mà hel te. La sáŋ yɛiyun co súú pilɛ loon mún miun o ciɛɔn niaan nin te. La cuɛ́inùn volɔɔla toosian a kɛilan súúlan tan tiɔn-ndan te.

2Masaa 17:37

La bii silalan, tɔŋndan a pɛɛkula ya sɛval niaa lan, mí la kela lecoo, la bɛnda mì la sooluu halaa celennda le.