Tɔŋ lasálàá 19:34 - BII BILA

³⁴ Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

Tɔŋ lasálàá 19:34 Referans Kwoze

Tɔŋ miingua 10:19

Niaa bɛɛ, la bɛnda mì la kaola mialaa vanin icali niaa tɛɛn-nda, kani mialla niaa bɛɛ yɔŋnun o lɛŋnde Esipte len nin ni.

Tɔŋ lasálàá 19:18

La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

Matie 5:43

«La tuei maa mí ndíì dimin aa: ‹Kaola vana kaola nɔm-ndo, mà tol vana tol nɔm yɛlen-ndo leyɛ.›

Fulaa 22:21

La luéi vanlaandua piaandaa ndaa vi-a a vííya mɔnɛi le.

Kundalan 10:32

Taa cɛl pɛ mì n kɔɛ naa niaa latulu, n tosanin mì nɔm bɛɛ sɔla dɛnɛ kɛndɛ Mɛlɛka co naa tuisi coo-o.»

Tɔŋ miingua 23:7

Lelan, le fɛɛn a fɛɛn, te la co vɔ yoomu, la fula tɔnɔ nda, te kon te dɛnɛ kɛndɛ nda lehɔl te.

Condii lisai 146:9

Mɛlɛka nɔ hɔlten vanaa co o lɛŋnde isumialten nin-nda coo, o co vana pɔnɔ ndɔ vi-o a vííyo malaa, kɛɛ tɛɛmbuuo o tɛɛmbuu nɛila vanaa yɔŋ vɔɔnda ni.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Tɔŋ miingua 23:8

Kɛ la nɔ́ nɛyɔnndo a Edɔmnda le, bau puapilɛa niaa nda co ni. La nɔ́ vɛlɛ nɛyɔnndo a Esiptea le, bau la va icali o lɛŋnde ndalen nin.

Ruti 2:10

Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»

Esekiɛl 47:22

La piɔwnin nden o siondei malɔɔ, mì le siŋnun kɛ́ɔ le niaa pila a le mialaa vanin icali niaa tɛɛn-nda, a vialunin cuawva niaa tɛɛn-nda, kan nda vanin le niaa maa cuavaa pilaciee Israɛlla tɛɛn. Siòòndei malnun pɛ, nda bɛɛ a bɛnda mà sɔla kɛ́ɔ niaa ndaa latulu o polama Israɛlla tɛɛn.