Tɔŋ lasálàá 19:32 - BII BILA

³² La ce pɛ vanaa yuuvɛiya, la cɛn o fondala niaala calaa lan, la ke nda bɛɛlen. La ke ya Hala niaa bɛɛlen. Ya co Mɛlɛka ni.

Tɔŋ lasálàá 19:32 Referans Kwoze

1Timote 5:1

Sɔaa bɛndu yuuvɛiyo a paa-kala le, kɛ soo ndu o lani mɛɛ n sɔaa fuɲa nɔm o lani yɛ. Cɔ langbanɔ felengoo maa puapilɛ nɔmndo,

Cɛɛŋɔnnda Yeremi lan 5:12

A biw vanaa kùndàá má landu nda, tosa lebɛɛ a kaasoŋaa yuuvɛiya le.

Talelan 16:31

Mɔsil lebɛɛo yulunnde co ni, o dɛnɛ sandaa tosaa vana sɔla ndu ni.

Talelan 20:29

Ɲɛ nɛŋi felengia-o co kpaaya ndaa ni. Naŋɔɔ vanaa yuuvɛiya co yulunnde ni.

SƐBƐ YƆB-O 32:6

Mí Elihu, po Barakeɛl-lo, fulaa o polale Bus len nin cua sɔɛi, mó dimi aa: «Ya, felengoo ya co vɔ ni, kaasonnda niaa niaa co ni. Lelan siòònde bii ya ni, yáà tiwba niaa ɲɛ co ya o kɔl-lo cɔmndo le.

SƐBƐ YƆB-O 32:4

Le tùú Elihu va cuaambɔɔ nda tɛɛn-ndo, mó cum le sɔɛi o Yɔb lo.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Rɔmnda 13:7

Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.

Tɔŋ lasálàá 19:14

La yéow vana nila baŋulɛiyo le, la hándù vana sumɛiyo ɲɛ laci mò kei boŋ ndon te. Kɛ la cɔm o kelala niaalan nin maa la nɔ bɛɛle nilen. Kani ya co Mɛlɛka ni, Hala niaa pɛɛn.

1Masaa 2:19

Mí Bat-Seba kɔa o Salomɔn ndo le ndu diom Adoniya sɔɔ ndu o sondo-o tiiyallo. Masaa cɔu dɔ́ɔ́ kala ndɔ, mó can isisi ɲaali, mó kɔa ndu bɔŋa, mó baŋ vulan ndu o labɛngunin, o kon kɔɔli mó muungu, mó kɔ cal o kpɛŋɛ ndɔ lemasaa coo. Má cuu kala ndɔ kon kpɛŋɛ lemasa celen, má kɛsi ndu po ndɔɔ o ba kɛndɔɔ coo, mó cal lenin.

O Kandɔɔ 31:35

Mí Rasɛl dimul fuɲa ndɔ aa: «Vana ni bɛndoo, te i cen nɔm o hɔl mì sim te, tambu kɔl te, kani o paangei nin ya co ni.» Mó cɔɔlu vɛlɛ yaasiaa, kɛ o seelun nda le.

2Masaa 17:36

Kɛ la ke ya Mɛlɛka bɛɛlen, ya soli niaa o lɛŋnde Esipte len nin a kpaaya bɛndoo-o pɛɛn. Ya o labɛngunin niaa bɛnda le vulan baŋɔɔ ni, ya niaa bɛnda le sálàlan solullo ni.

Talelan 23:22

Yaŋ fuɲa nɔm nilan, ndu velun nɔm ni. Kialun kala nɔm yii le, hali o yuuva bɛɛ.

O Kandɔɔ 48:12

Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.