Tɔŋ lasálàá 19:26 - BII BILA

²⁶ La diá vision a koovan lenin te. La vá vanaa mangalaa le. La vá vanaa viamaa yava le.

Tɔŋ lasálàá 19:26 Referans Kwoze

2Masaa 17:17

Má loam poaa ndaa a cuavaa ndaa laandua o yin le nda sálàlan solio. Má luɛi dɛnnda mangalaalan a dɛnnda lekueilan tosaa, má vɔngulun o dɛnnda vɔw Mɛlɛka o hɔl-tan tosaa nin, má tɛɛmbuu ndu kɔllo.

2Dɛnnda lemasalan 33:6

Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.

Tɔŋ miingua 12:23

Kɛ nduyɛ, la mandan le vision dioo a koovan, kani koovan ma co yoomu ɲɛ yoomaa ni. La bɛnda mì la de yoomoo a vision te.

Tɔŋ lasálàá 7:26

Fonda oo fonda niaa va pɛ fɛɛn icali, la bɛnda mì la de koovan te, o va kooma yow o va kooma cɔlu celen.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Yeremi 10:2

O dimi aa: «La tuula vanaa-mangalaa-isɔɔa a kela ndaa le. Siòòŋii bii niaa a tɔɔmaselela co o halataala lan te, kani a nda vanaa-mangalaa-isɔɔa nɔ siòònde taw ni.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Daniɛl 2:10

Mí vanaa viamaa yavaa mulul Nebukanɛsar aa: «Masaa, o ceendo coo, vana-vana nɔla ɲɛ n co ɲunaa-o tosa le. Nduyɛ, masa oo masa, o va bɛɛ o bɛndu, mò nɔ kpaayaa taw, o ɲuna vɔ vanaa viamaa yavaa, vanaa soaa a loeon o kɔɔ-a a vanaa mangalaa súú-súù le dɛnɛ vaa nuaa tosaa le.

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

Fulaa 8:7

Ŋɔɔŋɔɔnda co nɔm faŋan coo o cɛila nɔmndan nin, o cɛila vanaa nɔmaa baalaa nin a o cɛila vanaa tɔ̀a kpede nin, mà lo o pee bɛndoo Nil kɔllo kínɛí.»

Fulaa 7:11

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

O Kandɔɔ 9:4

Kɛ nduyɛ, la dia vision a yoomoo lenin te, koovan pɛɛn.

O Kandɔɔ 44:5

Le yɛɛ niaa ciimbuu yɛ taala kólaa vana ni bɛndoo kol nin-ndo? A taala kólaa kon koni o dimi vɛlɛ sɔɔn yɔŋnunnin laci-on ni. La tosa kɔlvesɛi bɛndu!›»

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Tɔŋ miingua 12:16

Koovan kínɛí niaa bɛnda mì la de le ni. La bɛnda mì la cuiŋi man lɛŋ maa mamɛn.

Tɔŋ miingua 15:23

Kɛ o va bɛɛ lende, la dia koovan te. La bɛnda mì la cuiŋi man lɛŋ maa mamɛn.»

1Samiɛl 14:32

Ndáà fulaa lon, má kɔ del o ɲɛm ndáà bii yaamɔɔa o ba-on coo. Má bii saa, navaa kalla a navaa téndéa, má diw nda. A soli nda makòó le, má dia nda o foofo nda dii nda kon-ndo coo a koovan lende.

1Samiɛl 14:33

Má kɔ dimul Saul aa: «Vannda cua hakio a Mɛlɛka, a de cɔlua nda diw-va o fonda nda kelu nda bololan-ndo.» Mí Saul dimi aa: «La tosa dɛnɛ kɛndɛ a Mɛlɛka le dɛ! La pimbul pow bɛndoo sisa mì la hiŋ a ndu nanu.»