Tɔŋ lasálàá 19:23 - BII BILA

²³ Te la tiiya pɛ o lɛŋnde Kanaan-nden nin, mì la tɔl yɔmii koamɛi súú-súù ka, o vɔsilan tan yáá bɛngu, la diá kɔmnde tɔlɔɔla lan te, la cɔ len maa kɔmnde nɔɔlɛilen le co ni.

Tɔŋ lasálàá 19:23 Referans Kwoze

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Tɔŋ lasálàá 22:27

«Te nawvo, saa, te kon te cuinndo kom pɛ, cualen le bɛnda mì le lo kala ndɔ ikɛi háá palɛi ndii ŋɔmmɛw. Kɛ kandɔɔ o paale ŋɔmaandɔlen, la tiwba mì la soli cuale len sálà ŋɔa o yin le ya Mɛlɛka-o.

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Tɔŋ lasálàá 14:34

«Telen niaa tiiyanin o lɛŋnde Kanaan-nden nin-ndo, lɛŋnde ya yɔngu niaa len, te la ce pɛ mì soli sɔŋ velan a yullo-o o cɛiyo pum o lɛŋnde niaale sɛnɛile len nin,

Tɔŋ lasálàá 12:3

O paale ŋɔmaandɔlen, a dii cɛlɛkpɛ kon tooma.

Fulaa 6:12

Mí Moise mulul Mɛlɛka aa: «Israɛlla yeŋ nilan o sɔɛi nii le, vɛ̀ɛ̀ Faraɔnnɔɔ yaŋnun yɛnin ya, ya cee hoo isɔɔ loo?»

Fulaa 6:30

Mí Moise mulul Mɛlɛka aa: «O co vana caa isɔɔ le ya co le, Faraɔnnɔɔ yeŋnin ya bɛɛ lani le.»

Tɔŋ lasálàá 19:22

O hin pɛ a ndu, vana-solia-lasálàá tosa ndu langbanɔ kon faleŋii baŋannde coo Mɛlɛka o hɔl. O kon, o sɔla hakio malɔɔ le dɛnɛ vɔɔn o tosa kon-ndo.

Tɔŋ lasálàá 19:24

O vɔsi hiɔɔlundɔɔ, kɔmnde tɔlɔɔla lan la koamnin-nden kpow le bɛnda mì le kɛsin le ya Mɛlɛka, mì la solul-la len sálà o paale kafo lisaa Mɛlɛka len coo.

Tɔŋ lasálàá 23:14

Háá mì paale niaa co ya Mɛlɛka sálà kon solul-ten le tiiya, la bɛnda mì la de ɲɛ-ɲɛ o ɲɛm niaa koawnin-ndon nin te, o va bulu, o va yasala toaŋaa, o va kulun sɛnɛi. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.