Tɔŋ lasálàá 19:19 - BII BILA

¹⁹ La bii silala nilan. La bɛnda mì la muulian cɔlua co súú pilɛ le-a nda ŋiɔn mà hel te. La sáŋ yɛiyun co súú pilɛ loon mún miun o ciɛɔn niaan nin te. La cuɛ́inùn volɔɔla toosian a kɛilan súúlan tan tiɔn-ndan te.

Tɔŋ lasálàá 19:19 Referans Kwoze

2Samiɛl 13:29

Mí buɛyaa Absalɔm-nda tosa mɛɛ o dimul nda yɛ, má dii Amnɔn. Fɔ́ɔ́fɔ̀, mí poaa tɔ̀a masaa can, mí vana-vana hel o milɛɛ ndɔɔ coo, má sɔɔndian.

2Samiɛl 18:9

Absalɔm va o milɛɔ coo, mó kɔ voolu a vanaa cɔvaa David-a o fondaa pum. Mí milɛɛ ndɔɔ kɔ sɔɔŋa a ndu o bɔɔ lɛvun yɔm terebɛnte bɛndoo pum bɛngu. Mí bolle Absalɔm-nden le haw o lɛwvon tɛɛn, mí milɛɔ hiawnun laci, mí Absalɔm koma lo o landanndo lon.

Ɛsdras 2:66

Ndáà nɔ soa kɛmɛ leŋɔmmɛw a beleyaa a ŋɔmpum (736), milɛɛa va kɛmɛ lediin a belehiɔɔlu a à ŋuɛɛnu (245),

1Masaa 1:33

Mó dimul nda aa: «La mɔɔsiaa vanaa nia baalaa nɛɛ pilɛ, mì la heelu Salomɔn po ni o sofɛlɛ lemasa nuu coo, mì la tol a ndu Kihon.

Rɔmnda 11:6

Nduyɛ, te o va pɛ maa le kɛndɛi o hɛli nda ni, mɛɛ o co lɛ le dɛnndan te. Te o co yɛ lende le, mɛɛ kɛndɛi ve lɛ ikɛndɛ le.

O Kandɔɔ 36:24

Poaa Sibeɔn-nda yɔŋnun Aya nda Ana ni. Ana kon saalun mɛnndan o lɛŋnde veselɛilen nin telen o va sofɛlɛa Sibeɔn fuɲa ndɔ-a keeliaa diólan-ndo ni.

Tɔŋ lasálàá 18:4

La bii silala fula ya Mɛlɛka o sondo lan, mì la bii tɔŋnda nilan. Kani ya co Mɛlɛka ni, Hala niaa pɛɛn.

Tɔŋ lasálàá 19:37

La bíí tɔŋnda nilan a silala nilan kpow, mì la tosa mɛɛ ya co niaa pɛɛkoo yɛ. Ya co Mɛlɛka ni.›»

Tɔŋ lasálàá 20:8

«La bíí tɔŋnda nilan a silala nilan kpow. Ya co Mɛlɛka ni, ya hɛli niaa ni mí la siŋnun yungu diandaa co teengen-ndo.

Tɔŋ lasálàá 22:31

La bii tɔŋnda nilan a silala nilan mì la kela lecoo. Ya co Mɛlɛka ni.

Tɔŋ lasálàá 25:18

La kela o tɔŋnda nilan coo, la bii pɛɛkula nilan mì la kela lecoo. O kon, la vanin icali nila ɲulu o lɛŋnde niaalen nin.

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Luke 5:36

Mó dimul nda vɛlɛ taloo aa: «Vana sɛɛsa doma sɛnɛiyo pɛngɛi, mà baŋul tɛɛngei o doma paandoo a pɛngɛi ken te. Te vana tosa yɛ pɛ lende, mɛɛ o tɛɛmbuu doma sɛnɛiyo, kani pɛngɛi doma sɛnɛiyo bɛndanin o doma paandoo le.