Tɔŋ lasálàá 19:18 - BII BILA

¹⁸ La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

Tɔŋ lasálàá 19:18 Referans Kwoze

Rɔmnda 13:9

Kani tɔŋnda dimi lan aa: «Suunda le, dii vana le, yɔŋ levui le, fula ɲɛ pila lehɔl te» a tɔŋnda tɔ́lan kpow la co la liimaalan o sɔɛi he nin aa: «Kaola caanda maa nɔm pila.»

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

Nsaki 2:8

Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

Matie 19:19

Biilu fuɲa nɔm a kala nɔm, mà kaola caanda maa nɔm pila.»

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

Efɛsea 4:31

Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.

Talelan 20:22

Dimi le aa: «I mingi vɔ màá dɛnɛ vɔɔndo». Tiindan Mɛlɛka, mò baŋa nɔm.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

Matie 19:16

Paale pilɛ, mí langbanɔɔ pum sɔɔnguu, mó ɲuna Yeesu aa: «Kɔɔfa, dɛnɛ kɛndɛ yɛɛ ya tosá yɛ mì sɔla yoomu fɛɛn-fɛɛndo?»

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

2Samiɛl 13:22

Absalɔm dimul Amnɔn ɲɛ-ɲɛ le, kɛ mó nɛinun ndu taw le kpuva o kpuva Tamar yema ndɔ-o.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

Condii lisai 103:9

O suu naa lɔ́ɔ́-lɔ́ɔ̀ le, o mandan yiyan vɔɔn o kɔl le fɛɛn a fɛɛn te.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

O Kandɔɔ 4:23

Mí Lemɛk dimul laandaa ndɔa aa: «Ada niaa Silla, la tuei-yɔ ɲɛ ya co niaa dimul-lo. Laandaa Lemɛk-a, la yaŋ-ndɔ nilan. I dii vanapɔnɔɔ o pilɛ le bolin nuu, mí dii cɛlɛkpɔɔ o pilɛ le funkpula nilan.

Fulaa 20:16

La tímbul caanda seile lacòòvalen te.

Tɔŋ lasálàá 19:34

Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Dɛnnda kiilaa 16:28

Kɛ mí Pol yonda aa: «Tosalan dɛnɛ vɔɔn te! N co nanu kpow.»