Tɔŋ lasálàá 19:17 - BII BILA

¹⁷ La nɔ́ nɛyɔn puapilɛa niaa o lakɔl te. Kɛ te a tosa pɛ sɔɛi vɔɔnde, la veelu nda mì la soo nda, yɔŋii niaa cua hakio le sɔɛi niaa kɛɛ nda-e.

Tɔŋ lasálàá 19:17 Referans Kwoze

1Nsaŋ 2:9

Vana dimi pɛ maa o co o ɲɛ-tengaa nin, kɛ mì puapilɛ ndɔɔ nɛinun ndu, mɛɛ o ɲumndan nin ndu co vɔ ni.

Luke 17:3

La mandan a niaa pila. Te puapilɛ nɔmndo tosa pɛ dɛnɛ hakio a nɔm, a kpaandian ndu. Te o mangalan pɛ, a mal ndu haki.

1Nsaŋ 2:11

Kɛ te vanndo nɔ pɛ nɛyɔn puapilɛ ndɔɔ, mɛɛ o ɲumndan nin ndu co ni, o ɲumma man nin o co kelaa ni, o sínà nɛɛ o co kɔlan-nda le, kani ɲumndan ma cii ndu suumiaa.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Talelan 9:8

Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

Tite 1:13

Nduyɛ, toɲaa ɲɛ o dimio-o co ni. Lelan, soo nda o lani ɲɛkɛndɛi, haliko ma sɔla laalan kpeekpeiyo,

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

1Timote 5:22

Keleŋa baa handɔɔ vanndo coo le, luei balan o yɔŋ vɔɔn caanda nin te. Nɔm pila mandan mà va o diandaa.

1Timote 5:20

Soo vanaa co dɛnnda lahakilan tosaa-a vannda kpow o hɔl, o kon mì vanaa tɔ̀a yɔŋ siòònde.

1Korɛntea 5:2

Nduyɛ la co yongaa sɔɛi. Óò bɛnda mì mɔnɛi ndíì bii niaa taw, mí niáà soli vana tosa dɛnɛ kon-ndo niaa tɛɛn.

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

2Samiɛl 13:22

Absalɔm dimul Amnɔn ɲɛ-ɲɛ le, kɛ mó nɛinun ndu taw le kpuva o kpuva Tamar yema ndɔ-o.

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.