Tɔŋ lasálàá 19:16 - BII BILA

¹⁶ La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Tɔŋ lasálàá 19:16 Referans Kwoze

Fulaa 23:1

«La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Fulaa 23:7

La luei balan o sɔɔn lacòòvan nin te. La dii vana tɛɛmbuu isɔɔ loo le, la dii vana sandaa le. Kani ya Mɛlɛka, i ci vana tɛɛmbua tɔŋndo vana sandaa le.

Talelan 20:19

Vana congu vannda nɛɛ-nɛɛ ka-o cɔɔmuu sɔɔn viannanndon ni. Lelan kpakpala vana tombolaa.

Esekiɛl 22:9

Vanaa co vannda sɔɔn handɔɔ coo le nda diwvo-a a co nanu, vannda pum co kùlon dioo.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Yeremi 6:28

Nda kpow vanaa nila kalua nda co ni, vanaa muuluannda, a kendu nilan maa n'daɲa, maa n'cilin, nda kpow a laasian.

Talelan 11:13

Vana sɔɔn pɔmbɔɔ bii sondo ndɔɔ le. Kɛ vana lo o lediom coo-o ndu, sɔɔn kpow mo mandan o kɔl.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

Fulaa 20:16

La tímbul caanda seile lacòòvalen te.

Tite 2:3

Pɛɛku vɛlɛ vanlaandua yuuvɛiya, mà va vanaa diandaa o kela ndaa nin. A va vanaa dimi sɔɔn vɔɔnndon-nda le, a yɔngun mɔiyan te. A va vanaa yɔngu silala kɛndɛlan-nda,

2Timote 3:3

A nɔnin iɲíí le, a vanin vanaa bii tɛɛlɔn te-a, vanaa tɛɛmbuu caanda diolan-nda, vanaa bii kɔlta ndalan te-a, vanaa kɔlvesɛiya a vanaa yeema dɛnɛ kɛndɛ le-a.

1Timote 3:11

Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

Tɔŋ miingua 27:25

Màá dangaa va vana cɛl luɛyɔɔninndo mó yaala vana tɛɛmbuu isɔɔ loo le piɔ́mndo sɔlaa-o coo! Vannda kpow a cɛlnin aa: ‹Amiina!›

SƐBƐ YƆB-O 17:5

Nda yɛ, à yɔŋnun maa langbanɔ pilɛ, ó veelu caaŋaa ndɔa le ɲɛdiaa dioo nda ndaa-o. Cuavaa ndɔa va ɲɛdiaa o ndaa cumndo, kɛ a sɔla le.

1Samiɛl 24:10

Mó ɲuna ndu aa: «Le yɛɛ nɛ n co yɛ vanaa co nɔm dimullo aa David yeema dɛnɛ nɔm kɛndɛ le-a delɔɔ kɔɔli?

Condii lisai 50:20

La cal pɛ, la cal puapilɛa niaa congòó, la tɛɛmbuu vanaa niaa fula kala pilɔɔ-a diolan.

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Talelan 10:18

Dɛnɛ muuluanndo o co le nɛyɔnndo vonɔɔ ni. Vana sɔɔn pɔmbɔɔ ndu, o pe lebol te.