Tɔŋ lasálàá 19:15 - BII BILA

¹⁵ La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Tɔŋ lasálàá 19:15 Referans Kwoze

Tɔŋ miingua 1:17

La hiyan vannda mì la sim vana kɔɔli o yamɛi kiolɔɔ nin te. La yaŋ cuaambɔɔ nilan mɛɛ niaa yaŋ kaasonɔɔ nilan yɛ. La yɔŋ isiòòn le vana-vana le, kani Hala o ba yamɛi kiolɔɔ i fula ni. Te kɔɔsɔɔ pum hiow niaa pɛ mayoomu, la cuu ya ndu, i tofa dɛnɛ kon lenin.›

Talelan 24:23

Silalan ndan bɛɛ, vanaa kɔlkalua o ba la fula ni: O bɛnda mì vana hiyan vannda o yamɛi kiolɔɔ nin te.

Tɔŋ miingua 27:19

Màá dangaa va vana kilul miallo, vííyo a vanalanɔ pɔnɔ ndɔ vi-o yamɛi lakafɛi-yo coo! Vannda kpow a cɛlnin aa: ‹Amiina!›

Tɔŋ lasálàá 19:35

La vá vanaa sandaa o ɲɛm niaa co tuuvo-on nin, o va o ɲɛm vana tuu a yoolen-ndon nin, o va o ɲɛm vana tuu a panio-on nin, o va vɛlɛ bɛɛ le ɲɛm pelepeleon tuuvo.

Talelan 18:5

Dɛnɛ vɔɔndo o co le vana kɔlvesɛiyo simndan kɔɔli o kɔɔsɔɔ nin ni, mì vana tuŋ vana tɛɛmbuu isɔɔ loo dí ndɔɔ.

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

Condii lisai 82:2

‹Háá lɔ́ɔ́ kuɛɛ niaa lo yɛnin yaman lakafan kiolɔɔ? Háá tuma kuɛɛ niaa lo yɛnin vanaa kɔlvesɛiya malaa o còòlan coo?

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Nsaŋ 7:24

La kialu yamɛi le kiolɔɔ lan te, kɛ la va pɛ yamɛi kiolɔɔ, la kiolu yamɛi sandɛi sakpo.»

Dɛnnda kiilaa 23:3

O kon mí Pol dimul ndu aa: «Hala co nɔm lɔɔ ni, nɔm co hoo maa cìì cɛi humbu-o. A cal le ya yamɛi kiolɔɔ mɛɛ tɔŋndo co yɛ, má dimul vannda le ya lɔɔ, nduyɛ o co lende le tɔŋndo dimi le.»

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

SƐBƐ YƆB-O 13:8

Mò va maa niaa soaa le ndu ni? Niaa sim le ndu Hala ni?

SƐBƐ YƆB-O 32:21

I yeema mì sim vana-vana kɔɔli le, i lisanin vɛlɛ vana-vana le.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

Talelan 31:9

Soo le nda, tosa nda masalen coo a sandei. Soo le vanaa bala fondoa a le vanaa ikɔɔa.»