Tɔŋ lasálàá 19:14 - BII BILA

¹⁴ La yéow vana nila baŋulɛiyo le, la hándù vana sumɛiyo ɲɛ laci mò kei boŋ ndon te. Kɛ la cɔm o kelala niaalan nin maa la nɔ bɛɛle nilen. Kani ya co Mɛlɛka ni, Hala niaa pɛɛn.

Tɔŋ lasálàá 19:14 Referans Kwoze

Tɔŋ miingua 27:18

Màá dangaa va vana yɛɛ vana sumɛiyo o nɛi vɔɔndo coo-o coo! Vannda kpow a cɛlnin aa: ‹Amiina!›

Tɔŋ lasálàá 19:32

La ce pɛ vanaa yuuvɛiya, la cɛn o fondala niaala calaa lan, la ke nda bɛɛlen. La ke ya Hala niaa bɛɛlen. Ya co Mɛlɛka ni.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

Tɔŋ lasálàá 25:17

La hiŋ pilacieaa niaa hɔlla le, la nɔ́ siòòŋii Hala niaa. Ya co Mɛlɛka ni, Hala niaa pɛɛn.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Rɔmnda 12:14

La dɔw vanaa co niaa yɛlen tollo-a duaa. La dɔw duaa, la mɛna vana le.

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Condii lisai 111:10

O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.