Tɔŋ lasálàá 19:13 - BII BILA

¹³ La sáángiàà caaŋaa niaa le tɔnɔɔ sɔlaa o sanga nda kon nin te, la púú ɲɛ vana a sondo yeelaa le, la mándan sala vana baalaa bɛnda le sɔlaa hau-vo o ba háá siɔdii le.

Tɔŋ lasálàá 19:13 Referans Kwoze

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Yeremi 22:13

Dɛnɛ palaa co le vana tangul cɛi ndɔ lemasaa a kafalan, mó tengulun cɛila coocoolan o sandii lepɛŋnde nin, mó tundu caanda baalaa o fondo fúúo coo, o yɔngu nda sala ndaa loo!

Talelan 20:10

Panila bɔɔfiɛilan a ɲɛla tuvaa n'ɲɛla lakafalan la nɛinun bɔɔ Mɛlɛka.

Marke 10:19

A sina tɔŋndan aa: ‹Dii vana le, suunda le, yɔŋ levui le, timbul vana seile lakafa le, del vana coo le, biilu fuɲa nɔm a kala nɔm.›»

Esekiɛl 22:29

Vanaa co o lɛŋnde len nin-nda co vannda yɛɛvɔɔ dɔvɔɔ, a co vuilen yɔŋndo, a co vanaa ikɔɔa a vanaa bala fondoa saangiaa le tɔnɔɔ solio nda o n'dial, a co mialla mɔnɛi lueiyo o dí ndaa kpede coo.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

Fulaa 22:21

La luéi vanlaandua piaandaa ndaa vi-a a vííya mɔnɛi le.

Fulaa 22:15

«Te vanapɔnɔɔ pum hiŋ pɛ cuaambɔ laandu vana fula vɔ kɔɔli le nɔ loo hɔlla, mò va a ndu, o bɛnda mò dɔw ndu fulu, mò yil ndu o nɔ̀u nin.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Luke 3:13

Mó mulul nda aa: «La handu ɲɛ-ɲɛ o ɲɛ nda dimul niaa le biyɔɔ-o coo le.»

Talelan 22:22

Yúngà vana bala fondoo le tùú o nɔ kpaaya loo le, del vana ikɔɔ coo nɛɛ nda kialu yaman o dio luɛyaa kobio nin-nda le,

SƐBƐ YƆB-O 31:39

te i de pɛ tɔnɔ lelɛŋndo, o ya dow vɔngu loo, te kon te, mí tɛɛmbuu vanaa lelɛŋaa kan kɔl,

Tɔŋ lasálàá 6:3

Mì vana-solia-lasálàá vownun doma ndɔ bɛndu toosian a kola keesoo-o, mò vownun vɛlɛ lɛmbɛla lebɛngula toosian a kola keesoo lan, mò faaŋiaa pulta cal o yinnde sálà loamaa o fonda-loamaa-lasálàá coo lan, mò dii lan o fonda kon ikɛi.

Fulaa 22:13

Te vanndo yow pɛ vanndo cɔloo o ba, mì cɔlu kon yom pelei, te kon te mò vi vana ɲɔɔ kɔɔli, vana yow ndu-o bɛnda mò sala cɔlu pilaa.

Matie 20:8

Paalen delɔɔ, mí vana nakɔɔ dimul vana ndɔ mandaa bolofaa aa: ‹Veelu vanaa baalaa mà sala nda. A kandu pɛ a vanaa mɛɛlu lakɔ-a a kɔ mɛɛlu a vanaa tasea kɔɛ-a.›

1Timote 5:18

Kani sɛbɛ Hala-o dimi aa: «O bɛnda mì la yii naw co maalon nɛiyo-o sondoo le.» O co vɛlɛ o sɛvaa aa: «Vana vallo bɛnda mò sɔla sala ndɔɔ.»

Fulaa 20:15

La yɔŋ levui le.

Fulaa 22:7

Taa bii vui kon te, vana ɲɛ kon lo o ba-o sim Hala o hɔl le sinaa te o co ndu le co ɲɛ pilaa dioo a lakafa le.

SƐBƐ YƆB-O 17:5

Nda yɛ, à yɔŋnun maa langbanɔ pilɛ, ó veelu caaŋaa ndɔa le ɲɛdiaa dioo nda ndaa-o. Cuavaa ndɔa va ɲɛdiaa o ndaa cumndo, kɛ a sɔla le.

Talelan 3:28

Taa nɔ pɛ ɲɔɔ o ba o foofo, dímùl vanndo aa ‹Kɔ siɔdii a muungu nanu i ke nɔm ɲɛ vaa nuaa› le.

Esekiɛl 18:7

o saangiaa vana le tɔnɔ soli ndu o n'dial too, o mingul vana yow ɲɔɔ ndu o ba-o landii ndɔɛi-yo, o tosa levui loo, o yɔngu vana yiaan má co nɛiyo-o ɲɛdiaa ndɔɔ-o, o yɔngu vana fɛlio co-o ɲɛ cuɛinan ndɔɔ-o,

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Tɔŋ lasálàá 25:14

Te la pendu pɛ, te kon te la pisi pɛ pilaciee niaa lɛŋnden o ba, la bɛnda mi la hiŋ ndu hɔlla le.

Tɔŋ lasálàá 25:17

La hiŋ pilacieaa niaa hɔlla le, la nɔ́ siòòŋii Hala niaa. Ya co Mɛlɛka ni, Hala niaa pɛɛn.

SƐBƐ YƆB-O 7:2

Mɛɛ yeemɛi bii cɛɔ le pɛngio o vunduan nuaa yɛ, mɛɛ vana co baalaa le salaa-o cum sala ndɔɔ nuaa yɛ,